پدا زیر زمین ءِ بادشاہ ءُُ مردگانی واجہ ءُُ حاکم حادث سرپد بوت کہ آئی ءِ ہمروچی کاراں دزمانجنی یے بوہگ ءَ انت ،آ پہ اشتاپی ہمے مرد ءِ ودار ات کہ آرپیسئیس اتک ءُُ آئی ءِ کرا ءَ سر بوت ۔ ’’ دگہ لوڈگی ءُُ سبکی مکن منی دیم ءَ آئی ءَ کوکار کت۔

’’ من یک دیہے آں۔منی نارازی ءَ کم مہ تول ءُُ ننکہ منی پرمان ءَ مان نیارگ ءِ ناسرپدی ءَ بکن۔تنیگہ کس بید ء اجازت ءُُ رزا زیر زمین ءَ نہ یتکگ ۔کس !چد و پیش ءُُ نیکہ چدو پد کسے کیت۔ اگاں گپ سزا ءَ ہزاب ءِ اتک گڈا توہم نہ رک ئے‘‘۔آرپیئیس ءَ وتی ساز زرت ءُُ یک سوتے ءِ جنگ بنا کت اے سوت چش ات کہ کمان میانیں ءُُ نازرکیں جنکے سبزیں کہچر ءُُ ملکزارانی تہ ءَ پلانی عکس جوڑ کنگ ءَ ات ۔

اے عکس ءِ تہا آئی ءَ امروزءِ درائیں رشنائیں رنگ انچو ودی کتگ ات انت کہ اے عکس سک ساپ ءُُ رشنا درابوت ءُُ اے عکس ءِ دروشم ہنچش ات کہ گشئے نوکی دنیا بنا بوتگ ۔ آئی ءَ سوت جت کہ اے جنک ءَ انچیں ندارگے شرکت کہ گمان بوت آ وت گوں ہمے عکسے پلاں لیب ءَ ات۔

اے ندارگ انچو ڈولدار ات کہ بالا مرگاں ایشی ءِ توسیپ کت ءُُ زیر زمین مور ءُُ مشکاں داں کہ نگپ ءُُ حال داں زیرزمین ءُُ تارونکی ءِ دنیا ءَ سر بوت انت کہ اودے بادشاہ ءَ وہدے اے گپ اش کت انت گڈا وت آئی ءِ چارگ ءِ نیموناں زرت۔ آرپیئیس ءَ سوت جت کہ اے بادشاہ ءَ اے نازرکیں جنک اولی رند ءَ چش دسیت کہ وہدے آسہبے ءِ مہلہ ءِ روچ ءِ برانزاں ورگان ات ۔ آئی سوت جت کہ تاروکی ءِ اے بادشاہ ءَ گوں کمان میان ءُُ نازرکیں اے جنک ءِ گندگ ءُُ گوں چے مارات ؟وہدے آ گوں وتی رنگ ءِ درپ ءُُ گوں شوکیں گد ءُُ سبزیں کوشاں پلانی تہا سیل ءَ ات۔

یک گرمی ءُُ جوشےءَ آئی ءِ اندام ء جان مان زرت وہدے آئی ءَ جنک اولی رندءَ وتی امبازاں زرت آئی ءَ گوں وتی سیائیں لونساں آئی ءِ رکانی ملار وارت انت ،آئی ءَ آئی ءِ ارسانی ہم تام چشت۔ارسانی تام اے گم ءَ کہ ہما وہدءَ آئی ءِ سرا کپتگ ات، وہدے زیوس ءِ فرمان ءِ پشت ءَ آئی ءِ مات چہ آئی ءِ دست ءَ شت بلئے آئی ءَ رکانی چشگ ءَ اے واستہ وش بوت کہ آہاں ترنج ءِ تام کت پرسیپون حادث ءِ کش ءَ نشتگ ات ۔

آئی ءَ گریوگ بنا کت ۔ حادث ءِ چم آئی ءَ کپت انت، آئی ءِ کر ءَ اتک ءُُ حادث ءِ گوش ءَ چزے گشت ئےِ۔ تارونکی ءِ بادشاہ ءَ وتی دیم آرپیئیس ءِ دیم ءَ ترینت ۔حادث ءَ نہ گریت بلئے بہ کس ءَ آئی ءِ چم چو نہ دیستگ ات انت ۔’’تئی شیراں منی شہ بانکءِ دل موم کت‘‘ آئی ءَ گشت ب’’گش من گوشدارگ ءَ تیاراں توچے لوٹے؟‘‘

’’ منی جن‘‘
’’ ماتئی جن ءَ چے کتگ ؟‘‘

’’ آ ہمدا انت، آ ادا مرچی آرگ بوتگ، آئی ءِ نام ایروڈائیس انت ۔من آئی ءَ پدا زمین ءِ سرا برگ لوٹاں‘‘،’’ بہہ نہ بیت،‘‘حادث ءَ گشت ’’اے یک نہ وشیں کارپدے بیت۔‘‘ چونہ انت منی واجہیں حادث آرپیئیس ءَ گشت۔’’ تئی رحم ءِ اے فرمان زیر زمین ءِ تارونکی ءِ دنیا ءَ چوگروک ءِ شہم ءَ شہم ات۔ ابرم چوشاہم ءِ آمید ءَ اوشتاتگ ،آ سر ءُُ چیر نہ بیت ءُُ تپاوت دنیا ءِ مستریں راستی اِنت۔ءُُ گمان چہ انچیں کاراں بدل بنت۔

پرچکہ دیھ ہم ہمے ابرم ءِ بہر انت ءُُ ہمے یکیں رند ءِ رحم دلی تئی درائیں ناروائیں حق ءُُ انصاف ءِ شاہیم ءَ ہم سنگ کنت،اومزن نامیں بادشاہ منی گوں تو پریات ءُُ عرض ہمیش انت کہ من ءَ منی لوگی ءَ بدئے ءُُ اے گپ ءَ ہم دل ءَ بدار کہ من بیدء آئی ءَ ہچبر نہ رواں ءُُ تئی دست ءَ ہرچی بیت پمنی سزا ءَ بکن‘‘۔آئی یکبرے پدا وتی ساز دست ءَ کت جنگ بنا کت ءُُ ہیمندس ءَ زیمر اش کت آ گوں وتی ولیں بانزلاں ءُُ تنسکیں پانچلاں بال گپت ءُُ اتک حادث ءِ تخت ءِ سر ءَ پرترگ ءَ لگ ات۔ آئی ءِ بانزل ءُُ پانچل چوٹّلو ءَ توار ات انت ۔اے ترسناکیں ہیمندس چوکپوت کوکو ءُُ گرگرکنگ ءَ لگ ات ءُُ حادث ءَ گشتئے ءُُ’’بس یکبرے! حادث آئی ءِ لوگی ءَ بدئے اشاں بل کہ رونت ۔‘‘(برجاہ)
Heroes,Gods and Monsters of the Greck Myths