خضدار : قومی شاہراہ پر ٹریفک حادثے میں دو افراد جاں بحق دو شدید زخمی ڈپٹی کمشنر خضدار میجر (ر)محمد الیاس کبزئی کے مطابق ہفتہ کی شب قومی شاہراہ گوادر تا رتوڈیرو سورگز کے مقام پر دو تیز رفتار موٹر سائیکل ٹرالر کے زد میں آگئے جس کے نتیجے میں 4نوجوان شدید زخمی ہوگئے ۔
جنہیں خضدار لیویز نے گورنمنٹ ٹیچنگ ہسپتال خضدار پہنچایا جہاں طبی امداد کے دوران امان اللہ اور رشید احمد ساکنان خضدار زخموں کی تاب نہ لاتے ہوئے چل بسے جبکہ شدید زخمی میر محمد اورعبدالرسول کو گورنمنٹ ٹیچنگ ہسپتال خضدار میں ابتدائی طبی امداد دی جارہی ہیں نعشوں کو ضروری کارروائی کے بعد ورثا کے حوالے کردیا گیا لیویز نے و اقع سے متعلق مزید تفتیش شروع کردی۔
خضدار، ٹریفک حادثے میں دو افراد جاں بحق ، دو زخمی
وقتِ اشاعت : March 17 – 2019