1971ء کوئٹہ لاء کالج جوڑ کنگ بوت۔اے ہما وہد انت کہ بلوچستان ءِ صوبہ 1970 جوڑ بوت جنرل محمد یحیٰ کہ آ وہد ءِ صدر ءُُ چیف مارشل اَت ۔لاء کالج بیرسٹرعزیز اللہ شیخ ،بیرسٹر یحیٰ بختیار اور انجہانی ءُُ جسٹس دوراب پیٹل ءِ منت ءَ جوڑ کنگ بوتگ اَت۔

بیرسٹرعزیز اللہ ایس ایم لا کالج کراچی ءِ پرنسپلی ءَ ابید یک جوانیں استادے ات۔ایس ایم لا کالج ءِ اسٹاف ءَ ذوالفقارعلی بھٹو،فخر الدین جی ابراہیم ، اجمل میاں،ناصر اسلم زاہد،منظور ،ءُُ اے دگہ ہور اِتاں ۔ لاء کالج سند مدرسہ ءِ جہلی بہرگے اَت کہ نوں آئی ءَ را یک یونیورسٹی یے درجہ دئیگ بوتگ ۔ہمے مدرسہ ءَ چہ محمد علی جناح ءَ ہم وانتگ۔حدامرزی شیخ صاحب وتی مقدمہ ءُُ اے دگہ کارانی سبب ءَ مدام کوئٹہ ءَ شت ءُُ اتک ہمے وہداں بزان جولائی 1971 وہدے آ کوئٹہ ءَ کیت داں ہمے مارات کہ دوریں مردماں پہ قانون ءِ وانگ ءَ دری جاہاں روگ گران باریں کارے۔

ہمے وہداں امیر الملک مینگل ہم کوئٹہ اَت آئی ءَ ہمے حیال گوں آئی ءَ درشان کت انت ۔ ہمے گپ ہردوکاں یحیٰ بختیار ءُُ جسٹس دوراب پیٹل بلوچستان ءِ یونیورسٹی ءِ اولی وائس چانسلر ہم بوتگ آرا حال دات ۔بنداتی وہد ءَ لاء کالج ءَ را یک کمرہ ءُُ یک استادے ءِ حاجت اَت۔وہدے اے مردم بلوچستان بارایسوسی ایشن ءَ اتکگ داں درائیں مزن مزنیں وکیلاں اے گپ ءِ سخت خلاف کت ۔آوانی گشگ اَت کہ اے ہنداں وانگ ءِ پیسر کمی اِنت ءُُ مالءُُ ملکت ءِ ہم کمی انت۔

اے ہند ءِ مردماں گوں قانون ءَ سروکارے نیست اِنت پرچکہ سرداراں اے مردماں وتی رندگیر ی ءَ زرتگ اَنت ۔اے دمان ءَ ذکا ء اللہ لودھی ہم ساڑی اَت آئی ءَ پہ رضا اے کارکنگ ءِ واہگ درشانت ،رند اے مردم بلوچستان ہائی کورٹ ءِ چیف چسٹس ہم کنگ بوت۔آئی ءَ رند اسلم چشتی ، وشیشر ناتھ کوہلی، سید محمود اے دگہ ہوار بوتاں ۔ اے پیم ءَ سنگتانی یک بلائیں لڑے لاء کالج ءَ ہوار بوتگ پدا نومبر1971 ءَ ہمے لاء کالج ءَ را یونیورسٹی لاء کالج ءِ نام دئیگ بوت کہ ہروڑیں تعصب ءَ پہک اَت ۔ اے نام ءَ جسٹس دوراب پیٹل ءَ داتگ ات ۔

اے واجہ ءَ را درستاں کم سن ءِ قانون ءِ وانندگ ءِ شرپ ہم است اِنت،آ وہداں بنگالیاں گوں وانگ ءَ مقابلہ کنگ سک گران اَت۔ءُُ اے وہد ءَ ہندوستان ءُُ پاکستان ءَ بنگال ءِ جنگ بندات بوتگ اَت ۔اے وہد ءَ کلاسسانی زوت بندات ءُُ پہدا زوتی ءَ آسر کنگ بوتگ اَت ۔

اے وہد ءَ سائیکل ءَ ابید دگہ ہچی نیست ات پمشککہ آرن ءِ توارے نیست ات ۔16دسمبر ءَ بنگلہ دیش جتا کنگ بوت ءُُ ذوالفقار بھٹو ءَ حکومت وتی دستاں زرتگ ات ءُُ یحٰی ءَ را اسلام آباد لوٹائینگ بوت۔اے وہد ءَ لاء کالج ءَ ہرکس ءَ کہ داخلہ زرت آ بس پاس کنگ بوتگ ات کہ ہمے لڑ ءَ افتخار محمد چوہدری ءِ نام ہم گون اِنت۔کوئٹہ لاکالج انٹرکالج ءِ کچہری ءَ شفٹ کنگ بوت پدا ایشی ءَ کوجک روڑ ءِ چھاونی ءَ دائمی ماڑی یے دئیگ بوت۔1971 ءَ بگرداں 2018 ءَ اے کالج ءَ پانزدہ ہزار مردماں کانود ءِ ڈگری گپتگ۔

ڈگری گپتگیں درائیں مردم وَوکیل نہ بوتاں بلئے سے ءُُ نیم ہزار واجہ کار بلوچستان بار کونسل ءَ وکیلی ءِ لائسنس دئیگ بوتگ ۔اے حیرانی گپے کہ سروس ءَ ریٹارئر منٹی ءَ پد وکالت بکن ۔۔۔اے نیام ءَ کرنل ،جرنل،سیاسی مردم تاجر ہروڑیں مردمانی نام ءِ پشت ءَ ایڈوکیٹ نبشتہ اِنت۔نوں عدلیہ ءِ دیم ءَ سیاہ کوٹیں مردم گیش ءُُ لس مررمانی کمی اِنت ۔بازیں جنین آدماں ہم اے ڈگری دئیگ بوتگ ۔

وہدے بارالیکشن بیت گڈان مینا بازار ءِ وڑ یں دروشمے اے جاگہ کاریت چیزے زانتکارانی گشگ اِنت کہ اگاں کسے ءَ را نرسری ءِ دروشمے چارگی اِنت داں اے جاہ ءَ بیت انت ۔ بارکونسل ءَ را بائد لائسنس ءِ دئیگ ءِ وہد ءَ ڈگری ءِ ہمراہی ءَ میڈیکل چیک ءُُ حاص دماگی چار ءُُ تپاس کنگ بہ بیت۔اے چیک اف ءَ جج ہم ہوار کنگ بہ بیت۔

سوویت یونین پریزڈیم ءَ ہم انچو کنگ بوتگ کہ ہروڑیں نادراہی ءِ سوب ءَ آئی ءَ را چہ جج شپ ءَ درکنگ بوتگ پرچکہ آ ذہنی نادراہی اِنت ۔پہل صراط ءَ امریکی صدر ٹرمپ ہم گوستگ ۔ نوں وکلات ءُُ وکیل ایوک ءَ بے کس ءُُ ناتوان ءِ پاسپانی ءَ بلکیں کت بہ کنت۔حضرت عمر فاروق ءَ وہدے اے پیمیں کارے کتگ داں ہما کہ سدائی بوتگ اَنت آ اوشتاتگ اَنت ءُُ ہما کہ فیصلہ کنوک بوتگ آ نادینگ بوتگ ۔ وکالت ایوک ءَ ڈگری ءِ نام نہ اِنت بلکیں اے کار ءَ ہوشمندی ، زانتکاری ، عالمی پکار اِنت ۔

محمد علی جناح ءَ را ہم وکالت ءِ سوب ءَ مالی آرام ءُُ وشنامی رستگ۔پمشکہ خان احمد یار خان ءَ آئی ءَ را گوں سہراں ہم سنگ کتگ،آئی ءَ انگریزانی حلاپ ءَ بلوچستان ءِ زمین واترکنائینتاں ۔اے جاگہاں چہ کوئٹہ ، نوشکی ءُُ نصیر آباد( جعفرآباد) گون اَنت ۔