خضدار: کوئٹہ کراچی قومی شاہراہ پر باغبانہ کے قریب کار اور رکشہ میں تصادم،تین خواتین سمیت پانچ افراد زخمی ہو گئے،زخمیوں میں دو کی حالت نازک بتائی جاتی ہیں تفصیلات کے مطابق رات گئے سب تحصیل باغبانہ کے مقام پر کار اور رکشہ میں تصادم ہوا۔
جس کے نتیجے میں تین خواتین سمیت پانچ افراد زخمی ہو گئے زخمیوں کو لیویز فورس کی گاڑیوں میں گورنمنٹ ٹیچنگ ہسپتال خضدار منتقل کر دیا گیا زخمیوں میں دو کی حالت نازک بتائی جاتی ہے دریں اثناء قلات میں نیمرغ کراس کے قریب قومی شاہراہ پر مزدا ٹرک کی ٹکر سے معمرشخص جاں بحق ہو گیا جاں بحق شخص کی شناخت محمد حسین سکنہ بولخے شیخڑی کے نام سے کی گئی ہے۔
پولیس نے ٹرک کے ڈرائیور حاجی خان کو گرفتار کرکے ٹرک کو اپنے تحویل میں لیا ہے تفصیلات کے مطابق قلات میں گزشتہ روز نیمرغ کرا س کے قریب قومی شاہراہ پر ایک مزدا ٹرک کی ٹکر سے معمر شخص محمد حسن جاں بحق ہو گیا اطلاع ملتے ہی پولیس موقع پر پہنچ گئی اور نعش کو ڈی ایچ کیو پہنچا دیا پولیس نے ضروری کاروائی کے بعد لاش کو ورثاء کے حوالے کردیا ہے جبکہ پولیس نے ٹرک ڈرائیور حاجی خان سکنہ سونارو وڈھ کو گرفتار کرکے ٹرک اپنے قبضہ میں لیکر تفتیش شروع کردی ہے