ن۔چ: اے پہک ءَ پدر ءُُ سہر اِنت،ءُُ ایشی باروا پیشگوئی کنگ بوتگ اَت۔شما نزان اِت کہ سرجمی ءَ کدی،بلئے وھدیکہ شما چاگردی ءُُ مالی پالیسی آں دیم ءَ کاراِت کہ آ ئی مہلوکات ءِ گیشیں بہر ءَ اوشت ءِ آماچ کنت ایں یاکہ آھاناں نزور کنت ایں، ڈموکریسی ءَ تباہ کنت ایں، فیصلہ سازی ءَ چہ نامداریں مردمانی دست ءَ چہ پچ گِیپت، شما زھر بئیت،دلپروش بئیت،ہررنگ ءَ تُرس ءِ آماچ بئیت۔او آھما راستی اِنت کہ پہ ردی مہلوک دوستی (populism)گُشگ بوتگ۔
ک۔ل: من نزاناں کہ پنکاج مشرا ءِ باروا تئی لیکہ چئے اِنت،بلئے منا آئی کتاب Age of Angerدوست بیت،ءُُ آ گوں یک بے نامیں نمدی ءَ بندات کنت کہ کسے ءَ روتاکے ءَ را نبشتہ کتگ اَت آ گُشیت،”ما بہ منناں کہ ما ایوک ءَ تُرس ءِ آماچ نہ ایں بلئے گڈءُُ منج ءِ ھم آماچ ایں۔ھچ چیز داں اے وھد ءَ چہ روم ءُُ زرباری افریقہ ءِ وھشی آنی سوبمندی ءَ چو اناگتہ پہ پہمگ ءَ ناممکن گندگ ءَ نہ یتکگ ءُُ پہ پُشت ءَ چک جنگ ھم گران نہ بوتگ۔”
ن۔چ: شریں، آ ھمئے معلوماتی نظام ءِ ردی اِنت،چیاکہ آ پہک ءَ پدّر ءُُ سہر ءَ اِنت ءُُ تچک اِنت ءُُ سک ءَ ارزان اِنت۔باور کن،پہ درور ھمئے یونائیٹڈ اسٹیٹس کہ آ راستی ءَ چہ اے پالیسی آں چہ ادگہ بازیں ملکاں کم متاثر بوتگ۔2007ءِ سال ءَ پہ درور بُزور، سرجمی ءَ چہ ھما تباہی ءَ پیسریک ارزشت داریں سالے اَت۔ ھمئے اجبیں معشیت چئے اَت کہ آئی ءِ پدا سپت کنگ بوئگ ءَ اَت؟اے ھما اَت کہ آئی تہا ھمئے مُز،امریکہ ءِ کاردارانی زگریں مُز،راستی ءَ چہ 1979ایگاں کم تر اِت انت وھدیکہ نیولبرل اھد ءِ بندات بوتگ اَت۔آ راجدپتری رِد ءَ بے درور اَت ابید چہ ھیرانگی ءَ یاکہ جنگ ءَ یاکہ ھمایانی وڈ یں چیزے اَت۔
اے مزنیں وھدے اَت کہ زگریں مُز پہک ءَ کم بوتگے اِتاں،ھمئے وھد ءَ لہتیں مال ءُُ دولت کمایگ بوتگ اَت بلئے آ لہتیں جیب آنی تہا اِت انت۔اے ھم ھما وھد اَت کہ لہتیں ادارہ جوڈ کنگ بوتگ اَت، مالی ادارہ۔شما پنجاہ ءُُ شست ءِ دھکے ءِ سرا چمشانکے بدئیت، وت نام داتگیں وشھالیں دور،بینکاناں گوں زگریں معشیت ءَ جوڈینگ بوتگ اَت۔آ ھمایانی مول ءُُ مراد اَت۔پدا مانگیشی ھم نیست اَت چیاکہ لین دین ءِ نوکیں راھبند ٹہینگ بوتگے اِت انت۔
ھپتاد ءِ دہک ءِ بنداتی دور ءَ اناگتیں بدلی اتک۔کُلاں چہ پیش، مالی ادارہ سوبمندی ءِ راہ ءَ راہی بوت اَنت۔2007ءَ داں آ ھاں سرجمیں ادارہ ءِ باسکاناں راستی ءَ چِل درسد پائدگ دات۔دیمترا ٓ گوں زگریں معشیت ءَ ھچ وڈا ھمگرنچ نہ اِت انت۔
یورپ ءِ تہا ڈموکریسی ھمئے وڈا کہ نزور کنگ بوتگ پہک تچک اِنت۔فیصلہ سئے جماعتی کونسل ءِ دست ءَ دیگ بوتگ اَنت کہ آ گچین کنگ نہ بوتگ اَنت: ھمئے یورپی کمیشن،کہ گیچین کنگ نہ بوتگ؛ھمئے آئی ایم ایف،بلکل گیچین کنگ نہ بوتگ؛ ءُُ ھمئے یورپی سنٹرل بینک۔آ ھمئے فیصلہ کن اَنت۔ھمئے ھاترا مہلوک سک زَھر اِنت، آ وتی زند ءَ گرءُُ دار کُت کنگ ءَ نہ یاں۔مالی پالیسی ھروھد ءَ آھاناں نقصان دیگ ءَ انت، ءُُ آئی برورد ناوشی ءُُ دلپروشی اِنت ءُُ ھمئے پیم ءَ دگہ بازیں انچیں جیڑہ۔
ما ایشی ءَ را دوھپتگ پیش فرانس ءِ گڈی گیچین کاری ءِ تہا دیست۔دوئیں امیدوار چہ اسٹبلشمنٹ ءَ دری اِت انت۔بُنکی سیاسی پارٹی پُرشت ءُُ پُروش ءِ آماچ بوتگے اِت انت۔ما ایشی ءَ را گوستگیں نومبر ءَ ماں امریکہ ءِ گیچین کاری ءِ تہا دیست۔اود ءَ دو امیدوار اِت انت کہ آھاں وتی بُن ھشت ٹہینتگ اَت:یکے چہ آھانی تہا ارب پتی اَت کہ اسٹبلشمنٹ ءَ را اَچ آئی چہ نفرت اَت،ھمئے ریپبلیکن ءِ امیدوار کہ آوتی نامینگءَ سوبمند بوت۔۔۔بلئے ھیال بکن کہ یکرندے آواکدار بوت، اے ھما کہنیں اسٹبلشمنٹ اِنت کہ سسٹم ءَ جنزینگ ءَ اِنت۔ھمئے مہم ءِ چکاس ءِ وھدا شما گولڈمین ساچز(Goldman Sachs)ءِ ھلاپ ءَ زھرشانی کت کن اِت،بلئے شمارا باور بہ بیت کہ ھما معیشیت ءَ جنزیننت یکرندے کہ تو سوبمند بوتے۔
ک۔ل: ھمئے پیم ءَ جُست ایش انت کہ یک ساھتے ءَ وھدیکہ مہلوک تقریبا ساڈی اَنت۔۔۔وھدیکہ آ گامگیج ءِ زورگ ءَ ساڈی اَنتءُُ تقریباساڈی انت پہ پجارگ ءَ کہ اے وڈیں حکمت عملی کارآمد نہ اَنت،اے چاگردی ٹہشت ءِ تہا،آیا مارا ھمئے تاگت است اِنت چو مہلوک ءِ پیم ءَ کہ ایشی ءِ سرا گامگیج زُرت بہ کناں،گڈءُُ منج ءِ آماچ بہ بئیں ءُُ پدا گامگیج بُزوریں؟
ن۔چ: منی ھیال ءَ مہلوک ءِ بہت ھمایانی جند ءِ دست ءَ اِنت چیاکہ،گیربیار،اے ایوک ءَ نہ بروبری،اوشت ءِ آماچی نہ اِنت۔اے گڈی بدبہتی اِنت۔اما یک سرجمیں طوفانے ءِ بُن ھشت ایرکتگ۔آ ھرروچ ھمئے اندوھناکیں سرھال بہ بنت۔ دومی مزنیں جہانی جنگ ءَ بگرداں اے وھدءَ ما تباہی ءِ دو وڈءُُ پیم ساچیتگ۔نیولبرل ءِ زمانگ ءَ بگر داں اے وھد ءَ ما آھانی گرءُُ دار کنگ ءِ وڈءُُ پیم پُروش ءِ آماچ کُتگ اَنت۔آ مئے ساچیتگیں کینچی اِنت۔آ ھمیش اِنت کہ ما دیمپان بئیں،ءُُ اگاں آ جیڑہ ھل کنگ مہ بیت،ما نیست ءُُ نابود بئیں۔
ک۔ل: پہ ساھتکے ءَ من واتر پنکاج مشرا ءُُ the Age of Anger ءِ نیمگ ءَ رواں۔۔۔(برجاہ)