جست: استاد وتی بابت ءَ وتی زند ءِ بابت ءَ چیزے سرپدئے بدئے۔
پسو:منتواراں من پنجگور سوردو قلات ءَ ماں حسین بزنجو ءِ لوگ ءَ ودی بیتگاں منی کسانی ءَ منی کماش حسین بزنجو چرے دنیا ءَ شتگ۔ من ءَ منی ماتے برات ناکو عبدالخاق ءَ رودینتگ ءُُ مزن کتگ۔
جست: توداں چنکس ءَ وانتگ ءُُ کجا وانتگ؟
پسو: من بنگیجی وانگ شاپاتاں چتکان وانگجاہ ءَ چے بندات کتگ ءُُ میانجی وانگ دزناپ ءَ برزی وانگ چتکان وانگجاہ ءَ دربرتگ ءُُ من مزن دربرجاہ ڈگری کالج ایف ایس سی پاس کتگ ءُُ دیمرو ءَ وانگ ءَ ناکو عبدالحاق من ءَ شال ءَ مزن شہدار برجاہ ءَ دیم دیگ لوٹ ات بلئے من ءَ آوہد ءَ وانگ ءِ شوک نہ بیتگ من شوک گوں زیمل بیتگ پمشکہ من گیشتر نہ ونت۔
جست: تو کدی ءُُ چتور ماں زیمل ءَ پڑا اتکگ ئے؟
پسو: ۶۹۹۱ ءَ ءَ نیمگ ءَ من شوک بندات بی منی پت ءِ سیاد ءَ وارث گیشتر پسنی ءَ نندوک انت پمشکہ من چہ پنجگور ءَ درکپتاں شتاں پسنی ءَ ۰۰۲ ءَ بگرداں ۴۰۰۲ ءَ ماں پسنی وارڈ نمبر شش ءِ ناکو سلیم ءِ کرا داں چار سال نشتگاں۔ہمودا من زیمل ءِ پڑ ءَ دور کتگ۔ منی ناکو سلیم ءِ لوگ ءَ نورخان بزنجو ءِ لوگ ءِ کر پہ کر بیتگاں ۃمودا من نورخان بزنجو ءَ دیستگ ءُپ نورخان ءِ اس ءَ منی بلوک گہار انت بلئے من اے سیادی ءَ بارو ءَ سرپد نہ بیتگاں گڑا منی پت ءِ گہار ترو ءَ اے سیادی ءِ بارو ءَ من ءَ گشتگ من اولی نند ءُُ نیاد گوں نورخان بزنجو ءَ اکرم بزنجو ءِ ہمراہی ءَ نورخان ءِ گہار ءِ لوگ ءَ بیتگ۔

پرچکہ نورخان ہمک وہد کہ پارگ بوتگ ریاض کنگ ءَ ماں وتی گہار ءِ لوگ ءَ نشتگ ءُُ ریاض ءِ کتگ گڑا گند ءُُ نندے تہا من استاد ءَ گشت کہ منا گشندہی ءِ شوک انت منا زیمل ءِ بارو ءَ ہیل بدئے گڑا استاد ءَ من ءَ ہمے گشت کہ بیٹا تو وانگ ءَ یا زانگ ءَ ئے؟ من پسو ہمے بوت کہ پیسرا وانگ ءُُ زانگ ءَ بوتگوں بلئے انی ہچ کنگ ءَ نیاں گڑا استاد ءَ درائینت کہ زیمل چنکے دان نہ انت کہ تئی دست ءَ اش بدیاں ءُُ دیمترا نورخان ءَ ہمے گشت کہ من ۵ سال استادانی کرا بوتگوں تو ۳ سال منی کرا بہ نند تو زیمل ءِ سرا جوانیں مہارتے حاصل کنئے ءُُ پدا گشتے درساں شرتر انت کہ تو منی استاد اعجاز علی کرا برو ہما ست ءُُ حیات انت ہمائی ءِ کرا ہیل بگر۔

گڑا پدا من شتاں استاد اعجاز علی گورا کہ کلب نیادی ءِ چیر ءَ ات کلب ءِ نام استاداعجاز علی میوزک کلب پسنی وہدے اے وہد ءَ کلب ءَ من بہر زرت کلب اے وہد ءَ فیس ۰۵۲ کلدار ات۔ اے وہد ءَ استاد اعجاز علی چہ چماں کمزور ات کلب ءَ شپ ءَ عشا چے رند منی شپٹ ات ءُُ استاد نامیں شاگردے عاصم بلوچ ءَ ات کہ استادے گچگے پد ءَ عاصم بلوچ ءَ باجایے سرا ساریگاما پادانی سا ءِ لنکک جاگہ نشاں جتگ اتاں ءُپ استاد اعجاز علی کلب ءَ استاد نور خان بزنجو کلب دیم پہ دیم بیتگاں۔

بازیں رن دءَ ما کہ ہرچی شاگرد است ات۔ استاد اعجاز علی ءَ را ہمے گوشت کہ ممنی دو شاگرد است ایشانی سک احترام ءَ بہ کن ات یکے نورخان بزنجو یئُ دومی استاد رسول بخش فریدے ءَ ما ہمک وہد ءَ اے دوئیں استادانی باز احترام کتگ ءُُ انگت ءَ اش کنان منی زیمل ءِ اعجاز علی بیتگ۔
جست: تئی ہمراہی ءَ دگہ کئے استاد ءِ شاگرد بیتگ؟
پسو:اے منی وہد ءَ سلیم امین ہم ہیل کنگ ءَ ات بلئے چہ من سینئر ات ءُُ وسیم صاحب خان صفاہ نامیں ڈہلی ءِ ہم ہیل کنگ ءَ ات استاد ہمے غنی بروت سرا سک زہر ات کہ کدیگیں ءِ ہچ نہ ہیل نہ کرتگ بینجو ہیل ءَ کنگ ءَ ات استاد بٹو تبلہ ءِ ہیل کنگ ءَ ات دگہ بازیں سنگتے است ات۔
جست: تو پہ زیمل ءِ نیمگ ءَ کجام اوست ءَ امیت ءَ اتکگ بزاں پہ زرے ءِ واہشتاں یاکہ دگہ چیزے ءِ واہش کتگ۔
پسو: منی واہشت نہ زرے بوتگ ناکہ زرے کمائی ءِ بوتگ منی واہشت تہنا ہمے بوتگ کہ جوانیں شعر بہ گوشاں ءُ پہ بلوچاں بہ گوشاں چو فیض احمد وڑا۔
جست: انی تئی حٰال ءَ جوانیں گشندہ کئے انت؟
پسو: منی حیال یئَ چہ نورخان ءَ رند اگاں منی زانت ءَ را کسے دوست بوتگ گڑا آ خیرجان باقری انت۔ دگہ ہم بازیں جوانیں گشندہ است انت پہ درور کامران داد انت کہ وش گشیت ءُُ غزل ءِ بادشاہ استا د مہناج مختار انت وش گشیت آئی ءَ من گوشداریں منی حٰال ءَ انی دور ءَجوانتریں گشندہ خیرجان باقری انت۔
جست: تنی وہدے تئی چنچو نوار اتکگ ءُُ دگہ نوکیں نوارے امیت است؟
پسو: منی اولی نوار ءَ کہ نامے (میار) انت سک دیری ہما ریل ءِ وہداں یاد چونہ انت ۰۰۲ ءَ نادر فریاد یک نوارے کتگ ۵ دانگ سوت من جتگ ءُُ ۵ دانگ نادر فرہاد جتگ یک سوتے ڈیوٹے بیتگ۔ اے نوار(چاند پروڈکشن) ءِ نیمگ ءَ شنگ بیتگ ءُُ دومی اولی نوار انت تہنا من وت جتگ (تچکیں راہ) نوار ءِ نام انت ۸۱۰۲ ءَ شنگ بیتگ۔
جست: استا تو ۴۰۰۲ ءَ اے پڑا اتکگ انی ۹۱۰۲ سال کہ ہلاس بوہگی انت تئی اتکگیں نوار دو دانگ انت سوب چی انت تو چہ زیمل ءَ دلپروش ئے یاکہ دگہ کمزوری یے است؟
پسو: منی وہد ءَ را کساس ۵۱ سال بیت کہ میوزک تہا یاں منی اتکگیں نوار دو دانگ انت ایشی واجہ ایش انت ک یکے مردمے پسماندہی انت غریبی انت آ وڑیں سپورٹ نہ بوتگ ءُُ زرے جیڑہ بوتگ ءُُ مرچاں منڈی ہمے وڑ انت کہ گشندہ وت ہر چ بہ کنت ءُُ منی کرزا زرے نہ بوتگ کہ بار بار نوار جوڑ بہ کناں ہمے وجہ انت کہ منی دو نوار اتکگ۔(برجاہ انت)