کوئٹہ : صدر مملکت کی بلوچستان یونیورسٹی آمد،سریاب روڈ کی قسمت جاگ اٹھی،صدر کو صفائی دکھانے کیلئے خطیر رقم فٹ پاتوں کے رنگ وروغن دیوار پر پینٹنگ پرصرف کر دیئے گئے۔
تفصیلات کے مطابق صدر مملکت آج ایک دورے پر کوئٹہ پہنچ رہے ہیں صدر عارف علوی بلوچستان یونیورسٹی میں لائیو اسٹاک ایکسپو کا افتتاح کرینگے،صدر کو صفائی دکھانے کیلئے میٹروپولیٹن نے بغیر کسی منصوبہ بندی کے راتوں رات ٹوٹے فٹ پاتوں کے کناروں کو رنگ اکھڑے ٹپ ٹائل کی جگہ بجری سے بھر دیا،کچرہ دانوں کے گرد لکڑیوں کے حصار قائم کردیا،سریاب کی مصنوعی ترقی دکانی بابا چوک سے بلوچستان یونیورسٹی تک دیکھی جاسکتی ہے۔
بوسیدہ سرکاری دیواروں کو چونا لگا کر محکمہ بلدیات کو کروڑوں کا چونا لگادیاگیا عوامی حلقوں کے مطابق صدر مملکت کی آمد پر میٹروپولیْٹن کی دیکھی جانے والی پرتیاں کئی دیائیوں کے بعد دیکھنے کو ملی ہے،عوامی حلقوں کے مطابق راتوں رات خطیر رقم بغیر کسی منصوبہ بندی کے نالیوں پر لگادینے والی میٹروپولیٹن آئندہ بھی اسی جذبے کے ساتھ گنجان آبادی والے علاقے پر اپنی توجہ مرکوز رکھے گی اور امید ہے کہ یہ توجہ صرف بلوچستان یونیورسٹی تک نہیں بلکہ سریاب کسٹم تک ہوگی۔