قلات: قلات کے مختلف علاقوں میں ٹڈی دل پہنچ کر فصلوں کو تباہ کرکے مقامی زمینداروں کو کروڑوں روپے کا نقصان پہنچایا ٹڈی دل نے قلات کے علاقوں گزگ روش چوپ تخت جوہان لورہاڑو عالم بھینٹ بھاڈ گرانی سمندر اور دیگر علاقوں میں فصلوں کو شدید نقصان پہنچایا ہے ۔
قلات کے متاثرہ زمینداروں نے حکومت سے ٹڈی دل سے ہو نے والے فصلوں کے ازالہ کے لیئے اقدامات کرنے کا مطالبہ کر دیا ہے۔
ملک کے مختلف علاقوں میں چکر لگانے کے بعد ٹڈی دل گزشتہ روز قلات پہنچ کر مختلف علاقوں میں فصلوں کو نقصان پہنچانا شروع کر دیا ہے زمینداروں کے مطابق کروڑوں کی تعداد میں ٹڈی دل فصلوں میں داخل ہو جاتے ہیں اور منٹوں میں صفا چٹ کر جاتے ہیں۔
قلات کے مختلف علاقوں میں فصلوں جن میں گندم مسور کی دال مٹر جو و پیاز پنیری اور دیگر فصلیں شامل ہیں جنہیں ناقابل تلافی نقصان پہنچایا ہے زمینداروں کا کہنا ہے کہ حالیہ ٹڈی دل حملے میں مقامی زمینداروں کو کروڑوں روپے کا نقصان ہو گیا ہیں صوبائی حکومت نقصانات کے ازالہ کے لیئے اقدامات کرے۔