کوئٹہ :  کوئٹہ قمبرانی روڈ پر واقع کشمیرآباد کا اہم علاقہ رئیسانی سٹریٹ گذشتہ ایک ہفتے سے بجی سے محروم ہے علاقے کا ٹرانسفار مر خراب پڑا ہے کوئی بنانے والا نہیں نہ ہی کوئی نوٹس لے رہا ہے۔شہر ی ایک ہفتے سے بجلی سے محروم ہیں جبکہ علاقہ تاریکی میں ڈوبا ہوا ہے۔

شہریوں کا کہنا ہے کہ بجلی نہ ہونے سے نظام زندگی مفلوج ہوکر رہ گئی ہے جبکہ علاقے میں پانی کا بحران بھی پیدا ہوگیا ہے دوسری جانب شدیدسردی میں شہری بغیر بجلی کے مشکلا ت کا شکار ہیں علاقہ مکینوں نے کیسکو کے اعلی حکام سے مطالبہ کیا ہے کہ وہ خراب ٹرانسفار مر کی جلد مرمت کو یقینی بنا کر بجلی کی بحالی کو ممکن بنائیں۔