قلات: قلات کے علاقے پارود میں سڑک کے کنارے نصب بارودی سرنگ سے موٹر سائیکل ٹکرانے سے زور دار دھماکہ ہو ا دھماکے کے نتیجے میں مو ٹر سائیکل پر سوار بیٹا جاں بحق اور باپ شدید زخمی ہو گیا ہے۔
قلات لیویز کے مطابق قلات سے ساٹھ کلومیٹر دور یونین کونسل دشت گوران کے علاقے پارود میں سڑک کے کنارے نصب بارودی سرنگ سے موٹر سائیکل ٹکرانے سے زورداد دھماکہ ہوا ہے جس کے نتیجے میں موٹر سائیکل پر سوار کمسن لڑکا زبیر احمد ولد دلشاد اور اسکا باپ دلشاد ولد قادر بخش قوم ساسولی ساکنا ن شور پارود شدید زخمی ہو گئے۔
اطلاع ملتے ہی مقامی لیویز موقع پر پہنچ کرز خمیوں کو ڈی ایچ کیو منتقل کیا جارہا تھا کہ کمسن لڑکا زبیر احمد زخموں کو تاب نہ لاکر جان کی بازی ہار گیا جبکہ زخمی دلشاد کو ڈی ایچ کیو قلات میں ابتدائی طبعی امداد کے بعد مزید علاج کے لیئے کوئٹہ منتقل کر دیا گیا ہے قلات لیویز نے مقدمہ درج کر کے تفتیش شروع کردی ہیں۔