خضدار: خضدار میں قومی شاہراہ پر ٹریفک کے دو مختلف حادثات میں تین افراد جاں بحق ایک شخص شدید زخمی ہوا وڈھ لیو یز کے مطابق منگل کے روز کوئٹہ کراچی قومی شاہراہ اورناچ کے مقام پر ٹرالر اور موٹر سائیکل کے درمیان تصادم کے نتیجے میں تین افراد شدید زخمی ہوگئے جنہیں وڈھ ہسپتال پہنچایا گیا جہا ں طبی امداد کے دوران ممتاز احمد ولد محمد لیاقت اور محمد یحی ولد غلام محمدساکنان وڈھ زخموں کی تاب نہ لاتے ہوئے جاں بحق ہوگئے۔
جبکہ شدید زخمی محمد لیاقت کو وڈھ ہسپتال میں طبی امداد دی گئی نعشوں کو ضروری کارروائی کے بعد ورثا کے حوالے کردیا علاوہ ازیں گاسلیٹی چھڑائی کے مقام پر آئی ایس ویگن اور ٹرک کے درمیان تصادم ہوا جس کے نتیجے میں افتخار احمد نامی شخص جاں بحق ہو گیا۔