خضدار: ڈپٹی کمشنر خضدار ڈاکٹر طفیل بلوچ کا ایک اور احسن اقدام،خضدار کے معذوران کے لئے اراضی کا مسئلہ حل کرکے،زمین کی الاٹمنٹ آرڈر انجمن معذوران خضدار کے چیئرمین لعل جان لانگو کے حوالہ کر دیا،خضدار کے معذوران کی جانب سے ڈپٹی کمشنر خضدار کا شکریہ تفصیلات کے مطابق خضدار کے معذوران کے لئے ہاوسنگ اسکیم کا مسئلہ کافی عرصے سے تعطل کا شکار تھا اس متعلق انجمن تاجران نے ڈپٹی کمشنر خضدار ڈاکٹر طفیل بلوچ کو اپنے مسئلے کے متعلق آگاہ کر دیا
ڈپٹی کمشنر خضدار نے اس مسئلے کو فوری حل کر ہاوسنگ اسکیم کے لئے مختص اراضی کی الاٹمنٹ انجمن معذوران کے چیئرمین لعل جان لانگو کے حوالہ کر دیا اس موقع پر ڈپٹی کمشنر خضدار کا کہنا تھا جسمانی معذور افراد کو درپیش مسئلے مسائل کا حل ہماری اولین زمہ داریوں میں شامل ہیں خضدار کے معذوران کے لئے مختص اراضی کا مسئلہ کافی عرصے سے حل طلب تھا جونہی یہ مسئلہ میرے سامنے آیا۔
میں نے فوراً سے پیشتر اس مسئلے کے حل کے احکامات جاری کئے اور آج میں انتہائی خوشی کے ساتھ معذوران کے لئے مختص اراضی کے الاٹمنٹ آرڈرز ان کے اپنے نمائندے کے حوالے کر رہا ہوں امید ہے کہ وہ اپنی اراضی پر جلد تعمیرات کا کام شروع کر کے اپنے اور اپنے بچوں کے لئے چھت کا بندوبست کرنا شروع کر دینگے ان کا کہنا تھا کہ نہ صرف اراضی کی الاٹمنٹ بلکہ معذوران کے لئے ملازمتوں میں حکومت کی جانب سے مختص کردہ کوٹہ پر بھی ہر صورت عمل درآمد کو یقینی بنایا جا رہا ہے۔
اس موقع پر انجمن معذوران خضدار کے صدر لعل جان لانگو نے گفتگو کرتے ہوئے ڈپٹی کمشنر خضدار ڈاکٹر طفیل بلوچ کا شکریہ ادا کرتے ہوئے کہا کہ جب سے ڈاکٹر طفیل بلوچ کی یہاں تعیناتی ہوئی ہے تب سے معذوران کے مسائل کے حل کے لئے ہر ممکن اقدامات اٹھا رہے ہیں ہمارے اراضی کا مسئلہ کافی عرصہ سے تعطل کا شکار تھا جس کے لئے ہمیں کافی پریشانی کا سامنا تھا۔
ہم نے اپنے مسئلے سے ڈپٹی کمشنر خضدار کو آگاہ کر دیا انہوں نے مختصر عرصہ میں مسئلے کو حل کر کے معذوران کے دل جیت لیا ہم امید رکھتے ہیں کہ مختلف محکموں کے ملازمتوں میں بھی اسی طرح معذوران کے کوٹہ کا خیال رکھا جائے گا انشاء اللہ بہت جلد ہم اراضی کے تعمیرات شروع کرینگے امید ہے کہ تعمیراتی مرحلہ میں بھی اسی طرح ڈپٹی کمشنر خضدار کا تعاون ہمیں حاصل ہو گا۔