دالبندین: دالبندین کے قریب ٹریفک کا خوفناک حادثہ۔ تین افراد جھلس کر جاں بحق جبکہ ایک شدید زخمی۔دونوں گاڑیاں جل کر خاکستر۔تفصیلات کے مطابق آر سی ڈی شاہراہ واقع یک مچ کے قریب گزن لانڈھی کے مقام پر ماشکیل سے دالبندین آنے والی تیل بردار زمباد پک اپ گاڑی کوئٹہ سے تفتان جانے والی ٹرالر سے ٹکرا گئی جس کے سبب دونوں گاڑیوں میں آگ بھڑک اٹھی۔
جس کی وجہ سے تیل بردار زمباد پک اپ گاڑی میں سوار تین افراد امین اللہ ولد ملک محمد رفیق ملازئی سفر خان ولد جنگی خان نصروئی عامر خان ولد محمد یونس ساقازئی ساکنان ماشکیل موقع پرجھلس کر جاں بحق ہوگئے۔
جبکہ ٹرالر ڈرائیور جھلس کر شدید زخمی ہو گئے جنہیں دالبندین میں ابتدائی طبی امداد کے بعد کوئٹہ ریفر کر دیا گیا ہے دونوں گاڑیوں میں لگنے والی آگ کے بلند شعلوں کی وجہ سے کوئٹہ تفتان سڑک پر کئی گھنٹوں تک ٹریفک معطل رہی،واقعہ کی اطلاع ملتے ہی لیویز فورس کی نفری اور فائر بریگیڈکا عملہ جائے وقوعہ بھیج پہنچگئی۔ مزید تفتیش جاری ہے۔