کوئٹہ: کوئٹہ سمیت بلوچستان کے مختلف علاقوں میں بونداباندی سے موسم خوشگوار جبکہ صوبے کے وسطی اور جنوبی اضلاع میں گرمی کی شدید لہر برقرار۔محکمہ موسمیات کے مطابق اتوار کو صوبہ کے بیشتر علاقوں میں موسم گرم جبکہ سبی، کوہلو،لسبیلہ، پسنی اور تربت میں موسم شدیدگرم رہنے کی رہا جبکہ کوئٹہ، زیارت، پشین،ژوب اور گرد ونواح میں تیز ہواؤں اور گرج چمک کے ساتھ۔

ہلکی بارش بھی ہوئی، محکمہ موسمیات کے مطابق تربت اور اوتھل میں درجہ حرارت 43، سبی میں 41، اورماڑہ،نوکنڈی، اوستہ محمد میں 40،گوادر میں 37،کوئٹہ میں 29ڈگری سینٹی گریڈ ریکار ڈ کیا گیا۔

محکمہ موسمیات کے مطابق آج پیرکو روز صوبہ کے بیشتر علاقوں میں موسم گرم جبکہ سبی، کوہلو،لسبیلہ، پسنی اور تربت میں موسم شدیدگرم رہنے کی توقع ہے تاہم کوئٹہ،چمن، زیارت، پشین،ژوب اور گرد ونواح میں تیز ہواؤں اور گرج چمک کے ساتھ ہلکی بارش کا امکان ہے۔