حیدر آباد میں سن کے قریب انڈس ہائی وے پر ٹریفک حادثے میں 10 افرادجاں بحق اور متعدد زخمی ہو گئے۔

ایس ایس پی جامشورو جاوید بلوچ کے مطابق انڈس ہائی وے پر ٹرک اور بس میں تصادم سے 13 افراد زخمی بھی ہوئے۔

جاوید بلوچ کا بتانا ہے کہ ٹرک اور بس میں حادثے کا واقعہ سن کے قریب تھوڑی پھاٹک کے پاس پیش آیا۔

ایس ایس پی جامشورو کا بتانا ہے کہ حادثے میں جاں بحق 10 افراد میں دو خواتین اور دو بچے بھی شامل ہیں۔

پولیس حکام کا بتانا ہے کہ حادثے میں کوچ اور ٹرک دونوں کےڈرائیور بھی جاں بحق ہوگئے جبکہ زخمیوں کو لمس اسپتال جامشورو منتقل کر دیاگیا ہے۔

پولیس حکام کے مطابق جاں بحق افراد کا تعلق بہاولپور  سے ہے اور حادثے کا شکار بس کراچی سے پنجاب جارہی تھی۔