کوئٹہ: بلوچستان کے ضلع نصیرآباد، خضدار ، مستونگ اور چمن میں ٹریفک حادثات میں چھ افراد جاں بحق اور پچیس سے زائد زخمی ہوگئے۔پولیس کے مطابق ضلع نصیرآباد کی تحصیل ڈیرہ مراد جمالی میں پولیس تھانہ صدر کی حدود میں ربی کے قریب تیز رفتار پک اپ نمبر WAA240ٹائی راڈ ٹوٹنے کے باعث الٹ گئی۔ حادثے کے نتیجے میں تین سالہ بچی اور دو خواتین جاں بحق جبکہ دس افراد افراد زخمی ہوگئے۔ جاں بحق افراد میں تین سالہ خورشیدہ دختر اللہ ڈنا ، اس کی والدہ ساراسکنہ چھتر ،بانل زوجہ لال خان سوریانی سکنہ مٹھری جبکہ زخمیوں میں دولی محمد،گل ذادی ،ماہ بی بی ،بلاول دیداراحمد،اللہ ڈنہ ،محمد بچل ،لطیفاں بی بی ،کجلہ خان اور گل نورشامل ہیں ۔ حادثے کی اطلاع ملتے ہی پولیس اورامدادی ٹیمیں جائے وقوعہ پر پہنچ گئیں۔لاشوں اور اورزخمیوں کو سول اسپتال ڈیرہ مراد جمالی پہنچایا گیا۔ حادثے کی شکار ویگن بولان کے علاقے مٹھڑی سے ڈیرہ مراد جمالی جارہی تھی۔دریں اثناء بدھ کی صبح خضدار سے چالیس کلو میٹر دور تحصیل باغبانہ کے علاقے کورک میں کراچی سے کوئٹہ آنے والی مسافر بس موڑ کاٹتے ہوئے ڈرائیور سے بے قابو ہوکر الٹ گئی۔حادثہ تیز رفتاری کی وجہ سے پیش آیااوراس کے نتیجے میں سولہ افراد زخمی ہوگئے جنہیں ایدھی کے ایمبولنسوں اور لیویز کی گاڑیوں میں سول اسپتال خضدار پہنچایا گیاجہاں پشین کا رہائشی احسان اللہ اور کوئٹہ کا رہائشی محمد الیاس زخموں کی تاب نہ لاتے ہوئے دم توڑ گیا ۔ دیگر زخمیوں میں راحت شاہ ولد نادر خان سکنہ کوئٹہ ،محمد جمیل سکنہ کوئٹہ ،بی بی ضیاء زوجہ محمد جمیل کوئٹہ ،تسنیم بنت عبدالحفیظ سکنہ کوئٹہ ،عزیز احمد ولد کمال شاہ سکنہ کوئٹہ ،محمد اسماعیل ولد عبدالرحیم اچکزئی کوئٹہ ،پری گل بنت احسان اللہ کوئٹہ ،نجیب اللہ ولد صاحب خاتون کوئٹہ ،مبشر ولد محمد انور کوئٹہ ،عبدالنبی ولد احمد گل کوئٹہ ،صلاح الدین ولد محمدبخش کوئٹہ ،طورگل ولد گل خان سکنہ کوئٹہ اور حبیب اللہ ولد ظاہر خان کوئٹہ زخمی ہوگئے ۔ زخمیوں کو ابتدائی طبی امداد کے بعد کوئٹہ روانہ کردیا گیا ۔ایمبولنس کی کمی کی وجہ سے زخمیوں کو مشکلات کا سامنا کرنا پڑا۔ ادھرکوئٹہ اور مستونگ کے درمیان لکپاس کے مقام پر دو پک اپ گاڑیوں میں تصادم ہوا جس کے نتیجے میں حاجی شیر محمد سرپرہ سکنہ کوئٹہ جاں بحق جبکہ جلال خان اور محبوب زخمی ہوگئے۔ لاش اور زخمیوں کو کوئٹہ لایا گیا۔ ایک اور حادثے میں چمن کے پاک افغان شاہراہ پرکسٹم ہاؤس کے قریب موڑکاٹتے ہوئے کار الٹ گئی ۔ حادثے کے نتیجے کارمیں سواردوافرادشدیدزخمی ہوئے جنہیں فوری طبی امدادکیلئے سول اسپتال چمن منتقل کیاگیا ۔
