ایران ءَ وتی ھند ءِ گیس پائپ لائن دیری سرجم کتگ کہ ایرانی بلوچستان ءِ سیمسری شہر چاہبار ءَ آتکگ ءُ سر بوتگ۔
ایران ءَ اے گیس پائپ لائن پہ قدرتی گیس ءِ حاترا چہ مزن ھور ءَ زورتگ ءُ داں میناب ( بندر عباس ) ءَ ءُ پدا ھر مز ءِ لٹ ءَ داں چاھبار ءَ آؤرتگ۔
د مگءِ جاور حالانی بدلی ءِ پش درءَ پاکستان ءِ حکومت ءَ ہم وتی نیمگ ءِ پائپ لائن ءِ جوڑ کنگ ءِ سوڈگ زورتگ۔ پاکستان ءِ گیس کمپنی ایران ء َ چاھبار ءَ داں گوادر پائپ لائن ءَ جوڑ کن اَنت ۔کہ ایشی ءِ دراجی 80 کلو میٹر اِنت ایندگہ سرتکگیں حد کہ 700 اِنت آئی ءَ چین جوڑ کنت۔
اے انرجی اولی مزنیں پروجیکٹ اِنت کہ ماں مکران ءَ جوڑ کنگ بیت۔ چد ءُ پیسر امریکہ ءِ یونی کول انرجی کمپنی ءِ ارادہ بوتگ کہ ترکمانستان داں گوادر ءَ پائپ لائن ءَ جوڑ کنت کہ ھُشک ءُ گیابیں افغانستاں داں ملتان ءَ ھندوستان ءَ سر کنگ بوھگی اَت تنکہ اود ءَ ھندوستانی دو مزنیں کار جاہ داریں صوبہ گجرات ءُ مہاراشٹرا ءِ زلورتاں پیلو کنت۔
دنیا ءِ اے مزنیں انرجی پروجیکٹ دیمرؤئی دژمنیں مردماں 1990 دھک طالبانانی پُشت ءَ بے سوب کنائینت ۔اے پروجیکٹ ءِ سوب مندی ءِ حاترا طالباناں ھزاراں امریکی ڈالرکیش لوٹ اتءُ گس ءِ پہر یزگ ءِ حاترا ھزاراں مردمانی نوکریانی لوٹ کت اے گیس پائپ لائن (T A P I ) ترکمانستان ، افغانستان ، پاکستان ، انڈیا پائپ لائن ءِ نام ءَ زانگ بوت ۔
ٹیپی پروجیکٹ بے سوب کنگ بوت انوں ھمے پروجیکٹ دگہ نام ءُ کارانی سرا دیم ءَ برگ بوھگان اِنت۔ایشیا ڈیولپمینٹ بینک ءَ انفراسٹرکچر ءَ را جوڑ کنگ ءِ حاترا12 ارب کلدار داتگ د۱نکہ زمین بندیں میان ایشیائی ملکاں گوں مکران تیاب ءَ یکجاہ ءُ ھوار گیجگ بہ بیت۔اے درگت ءَ ٹیپی پروجیکٹ ءِ بے سوبی ءَ پد میان ایشیا ءُ رو کپتی ایشیائی ملکاں ھوار گیجگ ءِ پیش بندی دووار کنگ بوھگان اِنت ۔
اے گیس پائپ لائن تچکا یا کشو کائی مکران ءِ تیاب دپاں وش حالی ءُ چاگردی سان ءُ ناس دور دنت پرچکہ اے دگ ءَ چہ دنیا ءِ دیمرؤئی کرتگیں ملکاں کار ءُ بارے بنا بیت ءُ مکران اے کاروبارءِ بنزیاہ بیت۔
اے بابت ءَ پاکستانی بلوچستان مکران تیاب کچینی گوادر ءُ پسنی مزنیں شہرانی رنگاں دیم ءَ کاینت پرچکہ اے عالمی طاقت ھمے شہراں پہ وت گیس ءُ تیلاں گوزاینگ لوٹ اَنت ۔ اے درگت ءَ ایشیائی دیمروئی بنیک پسنی ءُ گوادر ءِ میان ءَ انرجی ءِ پروجیکٹانی حاترا مزنیں مالی کُمکے دنت ۔ اے رِدا آکبت گوادر کاروبارءِ مزنیں بنزیاہ ءُ پسنی گیس ءُ تیل مزنیں بَر ءُ آر ءِ جاھے بیت ۔اے درگت ءَ بینک میانی ھنداں ریل ءُ دگاں شر کنگ ءِ حاترا گامگیج زورگان اِنت۔انڈیا ءَ چاھبار ءَ پہ وت ءَ دو برت زورتگ ھمے وڑا میان ایشیائی ملک پہ وت ءَ گوادر ءُ پسنی ءَ برت زرت کن اَنت اے وڑا گوادر ءُ پسنی کاروبار ءُ بیپار ءِ درچ ءَ مزنیں عالمی شہراں گوں بندوک بنت۔
