درد ءِ دریائے چو موجاں ماں تیاب ءَ کپتگ
لُنج ءُ ویرانیں گَمے کَھرءِ گیاب ءَ کپتگ
اندوھاں چُنڈ ءُ زِبہر کرتگ ، زھیراں دل مئے
مست ءُ مدھوشیں پری یے گوں شراب ءَ کپتگ
داشت نہ کُت واھگ ءُ مھرانی لگام ئے محکم
عشق ءِ بور تاچیں سوار ے گوں رَکاب ءَ کپتگ
ساز کنت تار دل ءَ مرچی گُلیں ماھ رنگ ءِ
پَہم ءِ زیمر مئے ھیالانی رباب ءَ کپتگ
بد نصیبانی مدام میش نراں زاہین اَنت
تئی نصیب واحد ولی مُجتّی واب ءَ کپتگ
***
