کوئٹہ :پاکستان کوسٹ گارڈز کے عملے نے گوادر کے علاقے میں اسلحہ سمگلنگ کرنے کی کوشش ناکام بناتے ہوئے درجنوں پسٹل رائفل، 1 موٹر سائیکل، 2 گاڑیاںقبضے میں لیکر 7 مشتبہ افراد کو گرفتار کرلیا۔ تفصیلات کے مطابق پاکستان کوسٹ گارڈز کے عملے نے خفیہ اطلاع ملنے پر گوادر کے علاقے سور بندر سرچ آپریشن کے دوران ایک ملزم کے قبضے سے 2 بوریوں میں چھپائے گئے
36 پسٹل برآمد کرکے ملزم کی نشاندہی پر کارروائی کرتے ہوئے قریبی گھروں کی تلاشی کے دوران ایک موٹر سائیکل ، 2 گاڑیاں ، 1 شارٹ گن برآمد کرکے 6 مشتبہ افراد کو حراست میں لے لیا اور دوسری کارروائی میں جیونی کے علاقے میں سمندر میں اینٹی ٹرالنگ آپریشن کے دوران ایک فشنگ ٹرالر کو 2 گھنٹے تک تعاقب کرنے کے بعد قبضے میں لے لیا۔ اور جیونی جٹی پر منتقل کرکے بلوچستان فشریز کے حوالے کردیا پاکستان کوسٹ گارڈ منشیات کی سمگلنگ روکنے کے لئے کارروائیاں کررہی ہے۔