دکی: دکی کے علاقے مندے ٹک میں افطاری سے لوٹ کر گھر جانے والے دوستوں کی گاڑی حادثے کا شکار ، 3نوجوان جاں بحق جبکہ 2زخمی ہوگئے ہیں ۔
ایس ایچ او محمد شریف موسیٰ خیل کے مطابق گاڑی پہاڑی علاقے میں کہائی میں جاکر گری ہے س کے نتیجے میں اعجاز ولد نورمحمد قوم زرکون ساکن شادوزئی محلہ ،عزت اللہ ولد دادک قوم اندڑ ساکن اندڑ آباد اور دوست محمد ولد جان گل قوم مسیزئی ناصر ساکن غریب آباد جاں بحق جبکہ خیرو جان ولد کمال الدین آغا قوم سید سکنہ غریب آباد اور رف ولد دلاور قوم اندڑ ساکن اندڑ آباد زخمی ہوگئے ہیں
، نعشوں اور زخمیوں کو ہسپتال منتقل کردیا گیا ہے جہاں زخمیوں کو ابتدائی طبی امداد کے بعد لورالائی ریفر کردیا گیا ہے ۔ ذرائع کے مطابق گاڑی میں سوار دوست افطاری کرنے پکنک کے لئے پرفضا سیاحتی مقام بغاو گئے تھے کہ واپسی پر گاڑی حادثے کا شکار ہوگئی ہے۔