بلوچستان پاکستان ءِ پد منتگ تریں صوبہ اِنت ءُُ ھمے وڑا چہ وفاق ءِ نیمگ ءَ ڈالچار انت گوستگیں 68 سالاں حکومت بلوچستان ءَ دگ ءُُ راھاں جوڑ کنگ ءِ ھچ وڑیں گامگیجے دیم ءَ نیاآورتگ ابید چہ میان ایشیائی ملکانی نیمگ ءَ بلوچستان ءِ گرمیں آپاں پہ بیپار ءِ نیت ءَ رسگ ءِ گمان ءَ پد لہتیں دگ ءُُ سڑکانی جور کنگ ءَ گشیتر ماں مکران ءَ جوڑ کنگ بوتگ انت دومی سردار مینگل حکومتی ءِ دور ء ءَ کوئٹہ کراچی آرسی ڈی دگ ئکہ پدا سرجم بوھگ ءَ نیلگ ءَ بوت دگہ ھچ وڑٰں کار کنگ نہ بوتگ گوستگیں حکومت ءَ ڈاکٹر عبدالمالک بلوچ سینٹ ءُُ دگانی اسٹیلنگ کمیٹی ءِ چئیرمین ات بلئے آئی ءِ گلہ ھم ھمیش ات کہ بلوچستا ن ءِ دگانی ھاتر ءَ چہ وفاق ءِ نیمگ ءَ فنڈ دئیگ نہ بوھگان اِنت گوستگیں رئیسانی حکومت ءِ دور ءَ سی پیک ءِ توار ءَ گوں لہتیں دگ ءُُ سڑک جوڑ کنگ ءِ گامیگج حکومت ءَ زرت دانکہ گوادر گوں گوریچانی دمگاں ھوار گیجگ بہ بیت ھمے دور ءَ ھم سندھ ءُُ ایندگہ صوبیاں دگ جوڑ کنگ بوت انت بلئے بلوچستان سنیٹ ءَ اسٹیلنگ کمیٹی چئیرمین شپ کرنسی ءِ واھند بوھگ ءَ ابید ھم ڈالچار کنگ بوت۔
دومی دستءَ کوئٹہ زاھدان دگ گوستگیں 68 سالاں پد ھم جوڑ کنگ نہ بوتگ ءُُ گوں ایران ءَ بیپار ءِ گپ ھم بوھگان اِنت پمشکہ بلوچستان پاکستان ءِ ایوکیں صوبہ انت کہ دگ ءُُ سڑکانی آسراتیاں چے زبہر انت اے حاتر ءَ بلوچستان ءِ ٹرانپسورٹر کہ لکاں کلدار ءَ بس ءُُ گاڑی زور اَنت لہتیں سالانی تہا ناکارہ بنت وھدیکہ سندھ ءَ 1950 ءِ بس گوں سلامتی ءَ دگانی سرا انت ۔ھمے ھاترا کوئٹہ ءُ ایندگہ مزنیں شہراں ٹرانسپورٹر کوھنیں بسانی جاگہ ءَ نوکیں بس زروگان نہ انت کہ دگ سڑک نہ بوھگ ءِ سوب ءَ آھانی نوکیں بس ناکارہ بنت ۔پدر انت کہ اے مزنیں دگانی جوڑ کنگ ءِ ھاترا ءَ بازیں فنڈ ءِ زلورت بیت ءُُ ھنچو فنڈ بلوچستا ن گورنمٹ ءِ کرا نیست بلئے چوکہ وفاق ءَ فیصلہ سازی ءِ تہا بلوچستان ءِ ھچ مردم نیست پمشکہ بلوچستان ڈلگچار انت ۔بلوچستان پاکستان ءِ 44درسد انت بلئے سڑک ءُُ دگانی ھاترا بلوچستان ءَ ایوک یک ءُُ دو درسد دست کپگان انت۔
دومی دست ءَ گواجارینگ بوھگان انت کہ اگاں گوادر پورٹ بنا بوت گڈا گوادرءَ داں کاشغر دگ ءُُ سڑگ جوڑ کنگ بنت بلئے گپ ایش انت کہ موٹروے ءُُ میٹرو ءِ وڑا پیسرءَ چیا جوڑ کنگ نہ بنت؟
اے درگت ءَ ما کوٹۂ بس ٹرمینل ءِ چہ شہر ءَ در کنگ ءِ پلہ مرزی ءَ کت نہ کنیں پرچکہ دنیا ءَ مہلوک ءَ آئی ءِ دروازگ ءِ دپ آسراتی پجارینگ بنت چہ شہر ءَ دور ءُُ دراج ناں ۔پمشکہ مئے لوٹ انت کہ شہر ءِ تہا مساپرانی ھاترا ءَ ٹرمینلے ٹہنگ بہ بیت ۔اے بابت ءَ ٹریفک ءِ رؤ آ ءِ ذمہ واری ءُُ ڈبہ ٹریفک پولیس ءُُ شہر ءِ بند ءُُ بوج کنوکانی انت ٹرانسپوٹرانی نہ انت۔
