دستونک

|

وقتِ اشاعت :   April 24 – 2016

اے ندارگ ھچبر ءَ آسر مبات موسم ءَ سر کش اِتگ واتر مبات یکبرے بس پلاّں دست جتگ دل منی ھونیگ چو ھچبر مبات دروشمے انچیں کہ ارواہاں پُل ایت! کؤر ءِ لمب ءَ آ کدی سردر مبات وائے قسمت بات تاموریں شپے وائے قسمت اے وڑا پدر مبات میتگ ءِ دمکاں تچیت دیدگ ؔ منی واھگے گاریں جبین ءَ سرمبات دستونک شے مریدؔ بلوچ پنجگوری جمبراں بستگ دل ءَ نوں ارس چماں گوار اِتگ تئی جدائی ءِ غماں من گریتگ ءُُ ھیسکار اِتگ رنگ زرتگ آسمان ءَ چہ تئی زلپاں زامریں تو وت ءَ چو کلکشان ءَ چہ گومے سینگار اِتگ آجوئی ءِ پگر گون انت دیم پہ کوھاں رپتگ اَنت ما وتی راج ءِ غلامی زیردستی ماراتگ چم وتی عیباں چے کور اَنت دومی ءِ عیباں چن اَنت ھرکس ءَ نوں وت ،وت ءَ سرا نشتگ ءَ ٹاپاراتگ کنٹگیں دردانی اوپار در نہ یتکگ چہ دل ءَ عمرے ءَ من تئی ودار ءَ نشتگ ءُُ را چار اتگ من ترا کرتگ کہیرے ، ءُُ وت ءَ را شانتلے زندگی زلپانی سیاھیں ساھگ ءَ ساساراتگ عاشقیں استالے ءَ چو تئی کش ءَ گوں بیتگاں تو وت ءَ چو ماھکان ءِ دروشم ءَ پلگار اتگ دلبراناں ما دل ءِ توک ءَ وتی نادینتگ اَت دژمناناں ما وتی جنگ ءِ پڑا گواجار اتگ اچ نزاناں من کتگ چونیں گناھے شے مرید؟ؔ میتگ ءِ اے مردماں نوں بس من ءَ ڈوبار اتگ