لچہ تو واب بئے ،من گار باں

|

وقتِ اشاعت :   April 24 – 2016

من چنچو دروشم ءَ بیاں جہان ءِ رنگ ءُُ دروشماں تہار ماھیں شپاں اے روچ ءِ برانزاں ستکگیں دلانی غم پراتکگیں زبہریں دیدگانی رژن شپانی چپ ءُُ راست ءِ شہم باریں من تئی شوہازگ ءَ چو دمک دمک ءَ ویل باں گوں لوڈاں کاگدے بیاں من چنچو رنگ ءَ بہر باں کرواتکگیں کرودے آں سراتکگیں من درچکے آں تئی مہپر ءِ گوْپوک باں چو پرس ءِ بٹ ءَ ایر باں چو آپ ءَ لرد ءُُ ساپ باں چو گوات ءَ شنگ ءُُ شانگ باں تئی ساپیں مہپراں گوْاپ باں پدا تئی دست ءِ شک باں تئی ٹال ٹال ءَ موداں شر کناں ھمے دمان ءَ زہر بہ ئے ترا من کیکیلی کناں پہ زور ترا من شات کناں تو جیڑ ے جیڑئے گم کنئے پُرْشاں پُرْشاں من گار باں تو ایئد ءَ مین بئے دل ءَ را سنگے پر دئیے گشان ءَ چماں پر دئے تو واب بہ ئے من گار باں