یک گوکے ءُُ ھرے ءِ سنگتی بھارگاہ ءِ رگامیں روچاں بوت ۔ھر نیمگ ءَ بھار ءُُ سبزچک اَت۔جمبر ءِ ساھیل ءُُ بھار میچیں ھر نیمگ ءَ شپانک ءُُ شوانگاں ڈیرو ءِ توار گوکانی بانسگ ءُُ درانکگ ءُُ ھر ءِ گرّگ ،بزاں بھار وتی سرجمیں وشی ءُُ جلواناکی ءُُ زیبائی ءَ گوں ندارگ چاروکاں شاتان کنگ ءَ ات۔ یک روچے گوک ءَ وتی کلانہیں سنگت ءَ گوشت کہ مئے دمگ ءِ بھاگاہ ایر رچگا اِنت باید اِنت کہ مادگہ سبزاچکے چار ءُُ بیچار ءَ بہ بیں چونائی ءَ مئے واستہ اش پہمیان اِنت کہ اد ءَ مارا اچ وڑیں ترسے نیست ما ایمنیں بلئے من گندگاؤں کہ تئی گرگ مروچاں کم بواناں انت ۔ھر ءَ پسو دات ءُُ توراست گشئے کدیم کہ کمتربیت گڈا توار ھم کم بیت ۔بلئے سنگت انگت ءَ دپ جاھے ناجاھے ءَ سک بیت۔یک ءُُ دو ماہ ءَ پد ھر ءِ گرگ یکپارگی کپت انت ءُُ ھر سک نزور بوت ۔گوک ءَ یک رندے پدا مورک مجینت ءُُ گوشت من روئیں چہ ادا سبزچک ءُُ آپے درگیجیں تو وَ سک بہ تہمبلے ،گڈا گوک چہ آئی ءِ گور ءَ درکپیت ءُُ دیم ءَ رہادگ بیت۔ گوک جی شاہء ولاھت بوت، چار ءُُ پنچ روچ ءَ ادا بلونس ءُُ اودا دپ جن تن ءَ بیوار کت ،دل ءَ گوشت من اگاں ساری تر ءَ دربیتکین اوں گڈا مرچی چو نہ بوت اوں آ وھد ءَ ھرجاہ ءَ آپی کنڈگ دپ کپتگ ات بلئے سنگتءِ نہ منگ سوب ءَ کہ مرچی ناں باند ءَ وت ھم نزور بوت ءُُ منا ھم جنجال ءَ پرئینت ئےِ بلئے ھیئر ،سنگتی ءَ چوش بیت گوک ءَ دل ءَ جیڑ ایت۔ شش ءُُ ھپت روچ ءَ پد کوہ ءِ سر ءَ چہ سرکشت ءُُ چار ات ئےِ کہ جہل ءَ کورے اشی ءِ لمب ءَ کش ءُُ کرسک سبزانت ءُُ نزیک گورے درھچ ءُُ دارے ھم ساھگ ءُُ سارت انت ءُُ چہ درسان گہتر اش کہ دگہ دلوتے پر نیست ۔ایشی ءَ ھیال کنا ن ءُُ جہل ءَ وش وشکو ایر کپان ات جہل ءَ تانکہ آپ ءِ لمب ءَ رست تن ءَ بیوار کتگ ات سنٹ ءِ آپ ایر دات ءُُ شری ءَ آپ وارت ءُُ شگر ئےِ گپت کہ شریں کہ من ادا رست ءُُ سر بوتوں ۔ دوسے ھپتگ ءَ ادا گوک ءَ وتی منّا وت ءَ را آپ ءُُ لاپ کت ءُُ یک روچے ءَ ترانگ کپت کہ من ءَ سنگتے است ءُُ گوں آئی ءِ گوما کول گیر اتک کہ من چراگجاہ یے درگیجاں ءُُ تئی رند ءَ کائیں ۔اے ھیال ءَ گوں گوک ءَ وتی کول ءِ پیلو کنگ ءِ واستہ پدا واتر بوت دیم پہ وتی سنگت ءِ آرگ ءَ نوں گوک چہ پیش ءَ گہتر آپ ءُُ لاپ ات نوں تیز تر ات سے روچ ءَ پد ھرءِ گور ءَ سربوت چارایت کہ ھر یک سہتگیں درھچے ءِ ساھگ ءَ کہ نیم روچ ءِ سر ءِ بنڈءِ ساھگ ءَ داتگے ءُُ وپتگ گوک ءِ پادانی برمش ءَ کہ اشکت وتی سرے چست کت ءُُ چار ت ،گل بوت کہ کہ اشی منی سنگت انت کہ پیداک اِنت ،گوک آئی ءِ گور ءَ رست جست کت ’’ اڑے سنگت چون ئے ‘‘ پسو آئی ءَ گشت یا ر من سک بیواراں ‘‘ شریں نوں پاد ءَ روئیں من شریں چراگ جاھے درگیتکگ ھر ءَ زور جت زور جت سرے چست کت ءُُ نشت بلئے سنگت من وَ روگی نہ اوں ’’تو پادا یار گوک درائینت من ءُُ تو ٹیکاں ٹیکاں ءَ روئیں ۔دور نہ انت لہتیں روچ ءِ راہ اِنت جہد کنیں کہ وڑے نہ وڑے ءَ سر بہ باں ۔ بلئے من پاداتک نکنین تو منی مد ت ءَ بکن باریں من پادکائیں‘‘ ھر ءَ درائینت۔گوک ءَ وتی کانٹ لاپ ءِ چیر ءَ سک دات انت ءُُ پاد کنگ ءِ جہد کنگ ءَ بنائے کت ھر پاداتک بلئے ھر ءَ کونچنڈ گ ءَ گپتگ ات وت سر ءَ وت لرزگ ءَ ات بلئے گوک ءِ سنگت ات پہ کچک ءُُ رسوائی سر پہ دم بوت ءُُ چراگاہ ءِ نیمگ ءَ رھادگ بوت انت ۔گوک ءَ ھیال کت کہ اش آپ سر ءَ شپاں نالگ ءُُ زاری نہردگے ءِ توار من اش کتگ انت چو مہ بیت کہ ھرکمیں آپ لاپ بہ بیت پدا وتی دِنگاں بنا بکنت اے ھیال ءَ گوک یکپارگی ابکہ بوت کہ من وتی سنگت ءَ چے وڑ سرپد بکنیں کہ آ دلگران ھم مہ بیت ءُُ سرپدی بزورایت نوں مرچی بیگہہ داں چراگاہ ءَ سر بیت چومہ بیت کہ اگل پادے پنز ءُُ بروت گوک ءَ دل ڈ ڈ کت ءُُ گشت ءِ او سنگت من گوں لہتیں دزبندی کناں بلئے شر دلگوش کن ءُُ منی ھبراں بزور من ترا ءَ کڈن کنگ ءَ اوں پرچکہ کس وتی دست ءَ چم ءَ وت نہ جنت بھت ءَ است
پرچکہ اے ڈکال ءَ شریں چراگ جاہ من دیستگ بلئے اگل ءَ سر ءَ کن ۔ من ترا دیستگ کہ تو آپ ءُُ لاپ کہ بئے گڈا وھد ءُُ بے وھد نچار ئے بنا کنئے گرگ ءُُ کوھمکی ءَ ،من شپ ءَ وت واب ءَ آگاہ بوتگ اوں پرچاکہ ایش آپ ءِ سر ءَ ناہار آپ ءِ ورگ ءَ کائینت ءُُ نہردنت پدا دیم وت رونت چو مہ بیت کہ تو وھد ءُُ بے وھد وتی دھند ءَ بنا بکنے ۔’’ نا سنگت من ھچ نگوشیں ھر ءَ درائینت من تئی گپاں نزوریں گڈا کئی گپاں زوریں چد ءُُ گہتریں سنگت من ءَ کجارسیت ۔لہتیں روچ ھر ءَ چت ءُُ وارت ھپتگی ءَ پد ھر ءَ وتی کونپرگی بنا کت گوک ءَ گوشت کہ من ترا گشتگ کہ چو مکن ھر ءَ درائینت کہ مرچی پد نکنیں ۔گوک ءَ چارت کہ روچ وَ ھئیر انت بلئے شپ ءَ اے چو بکنت گڈا مادوئیں ناہارانی شام بئیں ۔چپ کہ بوت گوک ءَ گوشت من گوں تو وپت نہ کنیں تو شپ ءَ دگہ جاھے ءُُ من دگہ جاھے وپساں ھر ءَ گوشت شر انت بلئے اگل ءِ کار نہ کت کہ گوک ءَ من ءَ چو چیا گوشت ۔ھر ءَ چار ت کہ نوں گہتر انت من وتی وڑا بہ بیں شپ کہ بوت گوک ءَ چارت کہ ھرے گرگانی توار انت پاداتک چداں انگا دور ترشت سہب ءَ وتی سنگت ءِ نیمگ ءَ شت کہ یکجاہ بیں ءُُ چریں چار ایت کہ سنگت ھمودءَ کپتگ ءُُ آئیءِ پادگ ءِ کپے مک اِنت ءُُ لاپ ءِ تل پچ انت گوک بژنیگ بوت ءُُ پہ دل ءَ گوشت کہ دریگتیں منی گپ ئے بزرتیں ۔ بھت ئےِ شر ات بلئے اگل ء ئےِ کار نہ کت۔
