نادرا بلوچستان ءِ ڈجی نادراہ ءَ پی کے میپ ءِ وزیر ءُُ رھشونانی نادر ءَ بلوچستان ءَ را زبردستی افغان لڈوکیں مردمانی شناس نامہ (شناختی کارڈ) جوڑ کنگ ءِ پرماھگ ءَ پد گمان ھمیش ات کہ پی کے میپ ءِ نیمگ ءَ پہلی یے لوٹگ بیت بلئے گپ چپ بوت ءُُ پی کے میپ ءِ وزیر حامد اچکرزئی شاہ زیب خانزادہ ءِ دیوانے ءَ نادرا بلوچستان ءِ سرا بہتام جت کہ نادرا بلوچستان ءِ ڈی جی پرچہ مدام بریگیڈیئیر ءُُ جنرل نامینگ بنت اے درچ ءَ حامد اچکزئی ءَ پدا پی کے میپ ایندگہ وزیر مجیدچکرزئی ءَ ھم ھمے وڑیں بہتام نادرا بلوچستان ءِ سرا مشت انت اے درگتءَ اگاں گوستگیں سے سالاں پی کے میپ لیکہ کہ بازیں روتاک ءُُ ماھتاک ءُُ چینلاں دیم ءَ آتکگ انت کہ افغان لڈوکیں مردم درآمد نہ انت پمشکہ ایشاناں پاکستانی شناس نامہ جوڑ کنگ ءُُ دئیگ بہ بیت پدرا اش انت وھدیکہ پارٹی لیکہ ھمیش انت گڈا نادرا پی کے میپ ءِ وزیرانی سرا ملام ءِ ھچ وڑیں بستار ءُُ ارزشتے پشت نہ کپت اگاں مردمے کجام ھم حرابی ءَ را وتی حقے سرپد بہ بیت گڈا آئی ءِ دارگ گران بیت بلئے گپ ایش انت کہ پی کے میپ پرچہ افغان لڑوکانی پاکستانی شناس نامہ جوڑٹ کنگ ءُُ دئیگ پیلہ مرزی کنت کہ نہ ایوک پاکستان ءِ تہابیش کار ی کنت بلکین پاکستان شناس نامہ ءُُ پاسپورٹ ءِ سرا دنیا ءِ درائیں ملکاں ناشری کنگان انت کہ چرآئی ءِ پیش دارا پاکستان درائیں دنیا ءَ نام ءُُ دپ بوھگان انت چد ءُُ پیسر حامد اچکرزئی اشرف غنی ءُُ یک امریکہ حالکارے ءِ نیمگ ءَ اے گپ گوں عکساں دیم ءَ اتکگ کہ پہ افغان لڈوکیں مردماں پاکستان ءِ شناش نامہ جوڑ کنگ انچو ارزان انت امریکہ ءِ ھال کار ھماذال دومی براں ماں پشاور ءَ دپ کپتگ ات کہ نوں آ روسی ات ءُُ آئی ءِ کر ءَ پاکستانی شناس نامہ ھیت ات کہ حالکار ءَ سی سال ء پیسر آئی ءِ عکس افغان پنا گرین کیمپے گپتگ ات چیریش ءَ ھم ماں دنیا ءَ پاکستان ءِ باز سبکی بوتگ ات نوکیں جاوراحالاں رد ءَ طالبان کماش ملا منصور ءِ کر ءَ ھم پاکستانی شناس نامہ گوں پاکستان پاسپورٹ ءَ دست کپتگ ا ے ھال ءَ پد پاکستان ءِ نام ءُُ دپی ماں جہان ءَ باز بوتگ ءُُ نوکیں حالانی رد ءَ ملامنصور ءِ شناس نامہ ءُُ پاسپورٹ جوڑ کنوک چمن ءِ یک مردمے باندیں ادارہ ءَ اے درچ ءَ پٹ ءُُ پول بکن ات کہ چمن ءِ اے مردمے ءِ سیادی گوں کجام پارٹی ءَ انت پدراانت کہ گوریچانی بلوچستان ءَ یکیں پارٹی کہ آئی ءَ اودے پشتون آبادی دست برڑ ءَ جتگ ءُُ پشتون آبادی ءِ تہا آئی ءِ واستہ ووٹ گرگ نہ بوتگیں ھبرے بلئے آئی ءَ وتی نام ءِ دارگ حاتر ا اے کار بنا کتگ کہ ا افغان لڑوکیں ءُُ کیمپانی مردماں پاکستانی شناس نامہ پہ زور ءُُ زبردستی جوڑ کنائینت کتکگ آئی ء ووٹر گشیتر بہ بنت اے درچ ءَ این پی ءَ ابید درائیں بلوچ پارٹی گل پی کے میپ ءِ اے لیکہ ءَ ھلاپ بوتگ انت بلئے نادرا بلوچستان ءِ اے راز پاشک کنگ ءُُ پد بائدیں پی کے میپ ءِ رھشوناں وتی ردی بمارت انت ءُُ اے درگت سپائی پیش کتیں بلئے پی کے میپ مزن مری کہ دومی دست ءَ پاکستان ءِ فوج ایندگہ ادارھاں ھوار وت نادرا ءِ ر بہتام جنگان انت بلئے دومی نیمگ ءَ چوکہ اے پارٹی حکومت ءَ ھوار انت پمشکہ ادارہ ھچ وڑیں گامیگج زورگان نہ انت اے وھد ءَ گمان ھمیش انت کہ اے راز ءِ پاشک کنگ پد نادرا بلوچستان ءِ کماش ءَ را چہ پارٹی ءِ نیمگ ءَ دگہ نقصان ءُُ تاوانے مہ رس ایت پرچکہ زور ءَ سرا راہ انت اے وھد ءَ حامد اچکزئی ،مجید اچکزئی ،نصر اللہ زیرے ءِاے وڑیں تران دیم ءَ اتکگ انت کہ سرانان سرخ آب ءُُ دگہ دمگاں پاکستانی ادارھاں وت افغان لڈوکیں مردماناں شناس نامہ ءُُ پاسپورٹ جوڑ کتگ ءُُ داتگ انت ۔اے درگت ءَ گپ اے دیم ءَ کیت اے پارٹی ءِ نیمگ ءَ بازیں سرکاری واکدارءُُ وزیر ءُُ مشیربندر ءَ وت افغان لڈوکیں مردم انت نوں نادرا ءُُ ایندگہ زاھریں ءُُ چیریں ادارہ چوں مردمانی سرا چک ءُُ تان کت کن انت۔
