کوئٹہ : بلوچستان نیشنل پارٹی کے مرکزی سینئر نائب صدر ساجد ترین ایڈوکیٹ کی زیر صدرات کوئٹہ میں موجود پارٹی کے مرکزی کابینہ ،
سینٹرل ایگزیکٹو کمیٹی و ضلع کوئٹہ کابینہ کے عہدے داران کا مشترکہ اجلاس پارٹی کے مرکزی سیکرٹری اطلاعات آغا حسن بلوچ ایڈووکیٹ کی رہائش گاہ پر منعقد ہوااس موقع پر بی این پی کے مرکزی سینئر نائب صدر ساجد ترین ایڈوکیٹ مرکزی ڈپٹی سیکرٹری جنرل ملک نصیر شاہوانی، مرکزی سیکرٹری اطلاعات آغا حسن بلوچ ایڈووکیٹ، مرکزی فنانس سیکرٹری اختر حسین لانگو، خواتین سیکرٹری شکیلہ نوید دہوار، پروفیشنل سیکرٹری رمضان بلوچ، مرکزی ایگزیکٹو کمیٹی ممبران غلام نبی مری، ثنا بلوچ، حاجی باسط لہڑی، میر مقبول لہڑی، سیکرٹری جنرل بی ایس او سمند بلوچ، سیکرٹری اطلاعات بی ایس او شکور بلوچ، جمال لانگو ملک محی الدین لہڑی، ڈاکٹر علی احمد قمبرانی، پرنس رزاق بلوچ طاہر شاہوانی منورہ سلطانہ، میر غلام رسول مینگل ملک عطا اللہ کاکڑ الطاف لہڑی اور دیگر بھی موجود
بلوچستان نیشنل پارٹی نے اجلاس میں عدالتی حکم کے باوجود بی این پی قائد سردار اختر جان مینگل کا نام نو فلائی لسٹ سے نہ نکالنے کے حکومتی اقدام کی شدید مذمت کی۔اجلاس میں بلوچ خواتین کا نام فورتھ شیڈول میں شامل کرنے کی شدید مذمت کی۔ بلوچستان میں پارٹی کو مزید فعال بنانے کے لیے مختلف آپشنز پر غور کیا گیا۔