پروفیسر ڈاکٹر میر سعادت بلوچ یونیورسٹی آف مکران پنجگور کے نئے وائس چانسلر مقرر

پروفیسر ڈاکٹر میر سعادت بلوچ کو یونیورسٹی آف مکران پنجگور کا نیا وائس چانسلر مقرر کر دیا گیا ہے۔ ان کی تقرری کا باقاعدہ نوٹیفکیشن گورنر بلوچستان شیخ جعفر خان مندوخیل کی جانب سے جاری کیا گیا۔

پروفیسر ڈاکٹر میر سعادت بلوچ کا تعلق تعلیمی شعبے سے ہے۔ انہوں نے بنیادی تعلیم ایچ ایس این سے حاصل کی جبکہ لندن سے پی ایچ ڈی کی ڈگری مکمل کی۔ اس سے قبل وہ بطور پرو وائس چانسلر پنجگور اپنی خدمات انجام دے چکے ہیں اور تعلیمی و انتظامی امور میں وسیع تجربہ رکھتے ہیں۔

ان کی تقرری کو یونیورسٹی اور خطے کے لیے خوش آئند قرار دیا جا رہا ہے، جبکہ عوامی و تعلیمی حلقوں کی جانب سے امید ظاہر کی جا رہی ہے کہ ان کی قیادت میں یونیورسٹی آف مکران پنجگور ترقی اور خوشحالی کے ایک نئے دور میں داخل ہوگی۔ پنجگور کے عوام نے بھی ان کی تقرری کا خیرمقدم کیا ہے۔