کمپنی نے امید ظاہر کی کہ موجودہ چیلنجز جلد حل ہو جائیں گے اور آپریشنز معمول پر آ جائیں گے۔ ہین گینگ کمپنی  نے سی پیک منصوبے پر مکمل اعتماد کا اظہار کرتے ہوئے کہا کہ چین پاکستان اقتصادی راہداری دونوں ممالک کیلئے نہایت اہم ہے اور درپیش مسائل عارضی نوعیت کے ہیں۔

بیان میں حکومت پاکستان اور متعلقہ اداروں کی جانب سے ملنے والی توجہ اور تعاون کو سراہا گیا، جبکہ اس عزم کا بھی اعادہ کیا گیا کہ کمپنی اپنے ملازمین کیلئے مستحکم روزگار اور آمدن کو یقینی بنانے کیلئے پرعزم ہے اور گوادر کی ترقی و خوشحالی میں اپنا کردار جاری رکھے گی۔