بلوچستان بلاھیں ھند و دمگے داریتیں او ھر ھند و دمگ ءِ وتی خاصیتے۔ بلوچ ایشی سرا وت واجہی ئے واستہ ھر وہدء جہد و کوشست ءِ تہائیں۔ بلوچستان ءِ کنڈ کنڈ قصہ و آزمانک ء چہ پرانت۔ اگاں کسےءَ را یک نءُُل نبشتہ کنگ ایں تو آ بیت بلوچ ئے یک کنڈے ء تر و تاب ء بکنت آئی اے زہن وت پچ رواں بیت ءُُ آ باریں چنکس کتاب بلکیت۔ انچوش پہ سمج کہ آ لکھوک ئے زہن ئے پچ بکنت پہ لک گا۔ ایشی کوہ ءُُ اگار، ایشی زمین و کوچگ، درچک و داار، کور و دمگ، زر و تیاب، مرغ و ماہیگ، مردم ءُُ مردمانی زند ئے گوازینگ وت پددر بواں بنت۔ ادا ترا ظلم و زوراکی، بیرگیری ءُُ سہ و جنے یک بلاھیں داستان ئے رسیت ءُُ اے داستان کدی ھلاس نہ بیت۔ بلوچستان کہ جنگ ءُُ جدل آماچ بوت آ۔ ادے مھلوک جنگ و جدل ئے نوں عادی جوڑ بوتا۔ کسے گوشیت کہ بلوچ گنوک انت۔ اے ڈگارانی تہا چہ است۔ کہ آادا پو اکہ ہدوناک انت۔ بلے آ بلوچ ئے تب ء چہ سرپد نہ انت۔ ادا زند است۔ ادا زندئے گوازینگ ئے دروشم استاں، ادا مہر ئے ءُُپار استاں۔ ادئے وشبو استاں کہ آ ادے نندوکیں مردمان چہ وتی چہ دور بوگ ء نیلیت۔ بایدیں ایشی درائیں دروشم دنیا ئے سرا پددرکنگ بہ بنت۔ ادا مہلوکانی بزگی ءُُ خواری پیش دارگ بہ بنت۔ ادے دود و ربیدگ دنیاہا پیش دارگ بہ بنت کہ بلوچ ئے کلچر، مہمان نوازی، مہر، جہد، زند، آئی اے زند چوں گوازگائیں درا پیش دارگ بہ بنت۔ ایشاں کئے پد در کنت، یک زانتکار ئے، یک نبشتہ کارئے، یک سوجکارئے، یک بتکارئے، یک صلاح کارے۔۔۔
ڈاکٹر شاہ محمد مری ئے نوکیں کتاب ’’ بلوچ ساحل ءُُر سمندر‘‘ بلوچستان ئے زمین ئے باروا انت۔ ادے مہلوک ئے بزگی ، خواری، ندڈکی، زوراکی ءُُ جہد ئے بابت ایں کہ آئی ایشرا ہمے کتاب ئے تہا نبشتہ کتہ۔ انچوش بہ چارے تو اے گوادر ئے سرا انت۔ بلئے اگاں وانوک ایشرا بوانیت تو آ زانت کہ اے کتاب بلوچ بلوچ ئے زمین ءُُ آئیگی دریاہے باروانت کہ ایشرا درقوماں وتی مفادات ئے آس ئے تہا دور دات ء ءُُ نشتگاں چارگائیں۔ نبشتہ کار اے کتاب ئے تہا قوم ء را یک پیغام ئے دئیگائیں کہ بلوچ وتی زمین، ثقافت ، دود و ربیدگ ئے وت امین انت ءُُ باید ہمیش انت کہ آ اے وتی امانت ء دگہ رے دستا دئیگہ مہ لوٹیت۔
نبشتہ کارے اے کتاب دو حصہ اے تہائیں۔ ءُُلی حصہ شانزدہ سال ساری ئے آئیگی سفرنامہ انت۔ کہ آ گوادر ء شت ءُُ گوادر ء خوبصورتی ء را وتی نشتانک آنی تہا قلمبند ئے کت۔ نبشتہ کار ء اے کتاب ئے تہا جاگہ جاگہ وتی شیرکنیں گال ماں کت اگاں کہ اے کتاب وتی وانوک ء را کدی بور نہ کنت۔ ءُُ نشبتہ کارء وتی سفر نامہ ئے تہا چوشیں یک جاہے دل ء نہ برتا کہ ءُُدا آئیگی سر کپت ء۔ ءُُ آرا نہ لکتگے۔ ءُُ کجام مردماں گوں آئی گند و نند بوتا آوانی باروا وتی نبشتانک ئے تہا آوانی نام آرتگے کہ اے یک انصاف ئے ھبرئے۔ ءُُ اے بابت ء ہم آئی منصف ئے کار کتا۔
نبشتہ کار ء یک بلاھیں صحافی اے وڑا اے کتاب ء تہا یک بلاھیں ڈیٹا ئے ہم داتا کہ ایشاں چہ گوادر ءُُ ایشی ھند و دمگے باروا یک شریں معلوم داری ئے رسیت۔من تنے وہدی گوادر ء را پہ وتی چم نہ دیست ء بلئے کتاب ئے وانگ ء گوں من ء انچوش لگ ایت کہ من گوادر ئے تر وتاب ء کناگءُأں۔ اے کتاب ئے تہا چہ ماہی آ بگر تاں لانچاں، دام ء بگر تاں ماہیانی نام ء، ہر چیز ئے باروا معلوم داری رسیت۔ سرمایہ دارانی خوشحالی ء بگر تاں ماہی گیرانی بدحل آ تن اے دراھیں ھبر و حال اے کتاب ئے تہا ماں انت۔
کتاب ئے دوہمی بھر نبشتہ کارئے دوہمی رندء گوادرئے ترو تاب ئے بارواانت۔ وتی سفرنامہ اے تہا شال ء چہ بگر تاں گوادر ئے سر بوگ ء درائیں ھند و جاہانی باروا یک بلاھیں چمشانک ئے دات ء۔ مستونگ، قلات تاں بیلہ آ۔ بیلہ آ سنڈیمن ئے قبر، ہنگول نیشنل پارک ءُُ پارک ئے تہا بالی مرگ و پس و مال ایشی سر سبزی و شادابی ہنگول نیشنل پارک ئے واسطہ نبشتہ کارئے واھشت و خیالات، ہنگو ل ء چہ بگر تاں ہنگلاج، کنڈ ملیر ءُُ ادئے ندارک، امیتانی بانک، نانی مندر، پسنی ءُُرماڈہ و جیونی بگر تاں مبارک قاضی آں گوں ھال پرسیگ، ءُُ پدا گوادر گوادرئے تر و تاب، مکران ئے تہا کتابانی سرا ارش ءُُ پدا کتابانی میلہ، شعری دیوان ءُُ ایندگہ چیزانی سرا یک بلاھیں داستان ئے ہمے کتاب ئے تہا ءُُارانت۔
اے کتاب وانوک ء را انچوش مزہ دنت کہ وانوک ئے دل لوٹیت کہ اے کتاب ء یکیں جاہ ء نشتگوں بوانینے ھلاس بکنینی۔اے کتاب گوادرئے باروا معلومات ئے چہ پرانت۔ اے کتاب ئے تہا نہ صرف معلومات استاں بلکنہ گوادر ئے مہلوکانی جیڑہ ہم استاں ءُُ نبشتہ کارء اے ہم گپ جتا کہ آؤکیں وھد ء گوادر ئے مہلوک کجام مصیبتانی آماچ بوت کن انت۔ ءُُ بازیں صلاح و سوج ہم استاں کہ آ وانوکارا بلوچ مہلوک ئے باروا یک سوچ ئے تہا دور دینت۔ کہ آ پرچا نہ سوچیت۔
