لچہ: دوشی ہور ءِ سر

|

وقتِ اشاعت :   July 31 – 2016

پہ توآدینکے ٹہل چنکان ات اَنت تو کجا گار ات ئے گوں بہاریں وتی رنگ ءُُ رژنائی ءَ دوشی ھور ءِ سرءَ مئے گِسر کپتگیں دیدگانی ھوس گوات ءِ بے پردگیں شیکگانی زِر ءَ تئی گِردکیں پداں بس شوہازان ات اَنت شپ گوں دروازگ ءِ کہنیں چانٹ ءَ اڈاِت واب رتک اَنت منی دوشی ھور ءِ سرءَ شپ چر اگاں پہ تو کرپدانک درچتہ بالواں کنداتہ تو منی اندر ءِ تُن توازہ کتہ دوشی ھور ءِ سر ءَ من وتی دامن ءِ کل گناہ ششتگاں ایوک ءَ نشتگاں درچکے پیش گاہ یے ءَ زندگی ءِ وتی تاک پرریتکگاں مرچی روچ موجر اِنت درنئیت چہ گس ءَ کسے روتاپے ءَ چماں تاپ ءَ بدنت