پاکستان ءِ جوڑ بوھگ ءَ بگر داں روچ ء مرچی سریاب ءِ جامننداں چہ بنکی بنی آدمی آسراتیاں دور دارگ بوھگان اِنت۔ کوئٹہ ءَ ھرچ دیمروئی یے کہ بوتگ شہر ءِ گچین بہراں بوتگ ءُُ سریاب ءِ جامنندچرے آسراتیاں پہک زبہر انت ءُُ انگت ءَ حاکمانی تب ءُُ میلے ءَ چشیں بدلی گندگ ھم نہ بیت لکھانی ھساب ءَ مردم بلوچستان ءِ دارالحکومت ءَ کوئٹہ ءَ ھم مردمانی درچ ءَ چارگ نہ بنت ۔شہر ءِ ھچ دیمروئی پہ آھاناں نہ انت ۔بنکی آسراتی سیا ئیں آپ، ھور ءِ آپ ءِ درآھگ ءِ راہ شہر ءِ کش ءُُ گور ءَ پہ کشت ءَ کشاری آّ پ ، حراب ءُُ سلیں آپ ءِ راہ ءُُ در دمکاں بچُ ءُُ گسڈانی چست کنگ کار ءُُ بائدیں ھندی بند ءُُ بوجے کنوکانی اسکول ءُُ مکتب جوڑ بکن انت اے درگت ءَ ھما ھند ءِ کونسلرز ذمہ وار بہ بنت کہ اے اسکول ءُُ نادراہ جاہ بے واھند مہ بنت۔
بائدیں ھندی حکومت ھمے کاراں بکنت ایشی ءِ بدل ءَ کہ شہر ءِ امیرزادگانی کار ءُُ موٹرانی حاتر ءَ ارباں کلدار ءِ پا ر کنگ پلازہ جوڑ کنگ بہ بیت پرچیکہ چدءُُ پیش گوشت مارکیٹ ءَ حالیگ کنگ بوت کہ شہر ءِ حاکمانی گاڑی ءُُ موٹلانی اوشتارینگ ءَ جاگہہ نیست وھدیکہ ھمے شہر ءِ مردم چہ بنکی آسراتیاں زبہر انت حکومت ءِ بائد انت کہ پیسر ءَ شہر اے پد منتگیں دمگانی مردماں زند ءِ بنکی آسراتیاں بدانت دمگی حکومت بائدیں ھندی بند ءُُ بوج کنوکاں منڈ ءُُ دز بدنت بلئے ھندی حکومت بائدیں اے فنڈاں حاکمانی عیش ءُُ نوشانی بدل ءَ نیز گاریں مردمانی آسراتی ءِ حاتر ءَ کامرز بکنت کوئٹہ مئیر ءَ بائد انت کہ شہر ءَ پاک ءُُ سپابکنت شہر ءُُ گند گسڈ ءُُ بچ گندگ مہ بیت ۔گٹرانی آپ سڑک ءِ سرا میا انت شہر ءِ درائیں دمگاں سپائیں آپ پجارینگ بہ بیت ءُُ دومی گٹر ءِ آپ ءَ را مپارہ سپاکنگ ءُُ کشت ءُُ کشاری ءُُ شہر ءِ تہا جتگیں درچکانی آبینکی ءِ ھاتر ءَ کارمرز کنگ بہ بیت ۔پہ مئیر ءُُ مزنیں پروٹوکول ایش انت شہر سپا ءُُ پلگار بہ بیت نوں بائدیں آ چہ راجکاری کارکندہ یے ءُُ چے یک چاگردی کارکندہ یے درا بہ بیت ۔الس ءِ ھذمت ءَ بکنت ھما وھد ءَ کہ مئیر ئے بائدیں تو گوں وت ءَ راجکاری دگری داروئیں مردماں گوں ریا ءُُ رو مکن چوکہ تو سریاب ءِ جامنندانی ھم مئیر ئے بائدیں آھانی حقانی ھم ادا بکن سریاب ءِ مہلوک ءِ ھاترا ھم جان سلامتی ءُُ سپائیں آپ ءِ بندوبست بہ بی ھنچو کہ شہر ءِ ایندگہ ھنداں مردماناں اے آسراتی سر باھگان انت ما امیت کشیں کہ وزیر اعلیٰ وت سریاب ءِ مردمانی گہبودی ءِ ھاترا ءَ یک ماسٹر پلانے جوڑ کنت تنکہ سریاب ءِ جامننداں ھم شہر ءِ ایندگہ مردمانی وڑا وتی بنکی آسراتی دست بکپ انت ایشانی تہا دو جیڑہ گچینی انت یکے آپ تنگی ءَ ھلاس کنگ ءِ ھاتر ءَ سلیں آپ ءَ را دوار سپاکنگ ءِ بندو بست کنگ بہ بیت ءُُ چرے آپءَ شہر ءَ کشت ءُُ کشاری درچکاری کنگ بہ بیت کہ چریشی ءَ شہر زیب دار بیت چہ ھمے آپ ءَ بلائیں جنگل جوڑ کنگ بہ بیت ایشی ءِ بدل ءَ کہ شہرءِ ھرچ کنڈ ءَ پار کنگ پلازہ جوڑ کنگ بہ بیت۔ دومی کوئٹہ ءِ مستریں جیڑہ آپ ءَ را درآھگ ءِ راہ ءُُ درنیست اے درگت ءَ سریاب یک سرے بگرداں دومی سر ءَ ڈرین ءِ ٹرنک لائن چیر گیجگ بہ بیت ءُُ درائیں سلیں آپ ھمیشی ءَ دیر ریچگ بہ بیت ما گوں وزیر اعلیٰ دزبندی کنیں سریاب ءِ دیمروئی ءِ ھاتر ا اسکیم ءُُ ایشی ءِ ماسٹر پلان ءِ سرا کار کنگ ءَ ۵ ارب کلدار ایر کنگ بہ بیت اگاں وزیر اعلیٰ ءِ گوْرا ھنچو فنڈ نیست گڈا اے فنڈ چہ ایم پی اے آں گرگ بہ بنت پہ گچینی کوئٹہ ءِ ایم پی اے آں کڈن کنگ بہ بیت کہ پہ کوئٹہ زیبائی ءُُ جلوہ ناکی ءِ ھاترا فنڈ بدئینت تنکہ کوئٹہ ساپ ءُُ پلگار بہ بیت۔
