اہرام مصر دنیا ءِ ہپتیں اجبیں چیزانی تہا کوہن ترین انت کہ آئیءِ بات ءَ بنی آدم ءَ تینگت ءَ سرپد نہ انت کہ اے چوں ءُُ چے وڑ ءَ جوڑ کنگ بوتگ انت چو عراق ءِ دراتکگیں باگانی وڑا مصر ءِ اے اہراماں ہر مردم ابکہ ءُُ حیران کتگ انت اشانی توجیلے ءِ دیم ءَ آرگ ءَ زانتیگ( سائنس) ہم بے سوب بوتگ بلئے مصر ءِ اہرامانی چارگ ءُُ ٹپاسگ ءُُ سیل ءُُ سواد ءَ سالے ھزاراں مردم مصر ءَ روت ءُُ اشانی راز ءُُ چیر ءُُ اندریں گپاں زانگ ءِ ہاتر ءَ زانتکاردرائیں دگنیا ءَ دلگوش انت ۔بالاچ حمید ءَ اولی رند ءَ بولچی زبان ءِ وانوکاں دگنیا ءِ اے اجبینک(عجوبہ) ءِ بابت ءَ سرپدی داتگ اے کتاب ایوک ءَ اہرام مصر ءِ بابت ءَ سرجمیں سرپدی پدر نہ کنت بلکیں پیرو ،عراق ،امریکہ ،افریقہ دگہ بازیں ملکاں اے وڑیں اجبینکیں چیزانی بابت ءَ سہی کنت کہ آ بنی آدم ءَ نیکراہ دودمان ،زمین ،آزمان ءَ ھوارکوھنین زمین دریں مردمانی بابت ءَ زانگ ءَ سرپد بوھگ لوٹ انت۔
اے کتاب ءِ وانگ ءَ سما بیت کہ بنی آدم ءَ بازیں چیزاناں نوں نیکراہی ءُُ زانتگی ( سائنسی) رہبندانی میان ءَ چارگ ءِ جہد کنگی انت دیوتا فرشتہ ءُُ ملائیکت ءُُ ابرمی زورانی ( فورسز) میان ءَ بلکیں چیزے پشت کپتگ بلئے اے میانی چیز ءِ شوہاز ءَ پد زانتگ دست گری انت اے زانت ءُُ زانگ ایوک آزمانک ءُُ شائری ءِ وانگ ءَ راجاں دست کپت نہ کنت ۔منی ھیال ءَ بالاچ حمید اے گپ ءَ پوہ ءُُ سرپد انت اگاں کہ آئی ءِ بندری سیادی گوں ذگریں لبزانک ءَ انت بلئے آ نوکٰں دور ءِ درکاری ( Requirments) ءَ بلوچ راج ءِ زبہریاں سہی ءُُ سرپد انت پمشکا اے دور ءَ کہ دو شئیر ءُُ آزمانک ءِ نبشتہ کنگ ءَ پنچ فون نمبر ءُُ لبزانک ءَ(contribution) برجم بنت گڈا کئے وتہ دست ءَ سوچیت نانے کہ پہ لٹ درکیت ‘‘۔ منی ھیال ءَ بالاچ حمید ءِ اے نیمگ ءَ جبزگ ءِ چیدگ مہربانیں سوجکار (استاد) واجہ فاروق بلوچ انت ،فاروق بلوچ یک جوانین سوجکار ءُُ مہربانیں دوستے کہ بالاچ ءَ دست کپتگ ءُُ آئی ءِ دلبڈٖیاں بالاچ حمید ءَ اے ھند ءُُ جاہ ءَ سرکتگ ۔بالاچ ءَ وت گشتگ کہ اے کتاب آئی ءَ فاروق بلوچ ءَ داتگ کہ چد وساری فاروق بلوچ ءَ اکبر ساسولی ءُُ ایندگہ بازیں مردمانا ہم کتاب پہ بلوچی ءَ رجانک کنگ ءَ داتگ
بلئے اگاں فاروق بلوچی وت بلوچی نبشتہ بکنت منی نز ءَ گیشتریں ءُُ مستریں کارے کت کنت ءُُ زانتکاریں بلوچے ءِ درچ ءَ اے آئی ءِ راجی ڈبہ ءُُ ذمہ واری انت ہم ۔بلئے اے وہد ءَ ورناھانی دلبڈی ھم کسانین کارے نہ انت پرچکہ اے ھم ھمک سوجکار ءِ وسی کارے نہ انت ۔
بالاچ حمید ءِ وتی بیزوزگاری ءُُ کسان سندی ءَ ابید اوں آئی ءِ دومی کتاب انت ۔اگاں چہ اے کتاب رجانکے بلئے رجانک ہم وتی یک بستارے داریت ۔اے کتاب ءِ وانگ ءَ بلوچی وانوکاں دنیا ءِ
بازیں کوہن ءُُ کدیمین اجبینک ءُُ دمبانی چارگ ءِ نوکیں راھے ودی کنت ۔اے درگت ءَ بلوچستان ھم جتا ءُُ گستا کنگ بوت نہ کنت ۔بلوچستان ءِ بازیں دمگانی دمب بیلہ ءِ کوھانی تل ءِ لوگ ءُُ منی جند ءِ میتگ ناصر آباد ءِ ٹوھیں سنگ کہ آئی ءَ را آھود ءِ مردم بی بی فاطمہ ءِ جنتر ءِ تاہ گش انت ءُُ بازیں آئی ءَ را مزنیں گاڑی یے سنگ ءِ ٹیر ھم گیشت ۔اے کتاب ءِ وانگ ءَ پد بلکیں بلوچ وتی دمگاں ھستیں اے وڑیں چیزانی قدر ءُُ ارزشت ءَ بزاں انت کہ دنیا ءَ اشانی مزنیں ارزشت ءُُ بستارے ھست انت۔
