شان گل تو کجائے
پرچہ تو نیائے
تو مہر ءُُ وفائے
تو پاک ءُُ سپائے
ھردرد ءِ دوائے
چو شہر ءُُ تلاہ ئے
ھر وھد ماں دل ءَ ئے
چمانی تہ ءَ ئے
مئے بحت ءِ بہائے
چو پل ءِ وڑ ءَ ئے
دور پیم ءُُ گچین ئے
چماں تو پچین ئے
پکر ءَ چوں سمائے
علم ءَ پہ فدائے
زانت ءَ پہ گنوک ئے
کار ءَ پہ چموک ئے
ظلم ءِ تو ھلاپ ئے
مہلوک ءِ طلائے
وارانی تو پارئے
بدواہ تو زرد دارئے
من پر تو زران
من بے تو مراں
مست ءِ تو مرید ئے
دژمن تو یزید ئے
راج ءَ تو وزیر ئے
پما تو دبیر ئے
سمو راج ءِ تو وکیل ئے
شاگردئے کریم ئے
استاد ءِ کلیم ئے
ھرکس ءِ ندیم ئے
رحمت بی پر تو رب ءَ رحیم ئے
