گوستگیں روچاں یکیں روچ ءَ شش (۶)گاڑیانی سرا ارش کنگ بوتگ ات ءُُ پدا آہاناں ماندارگ بوتگ ات ۔زانگ نہ بیت کہ ارش کنوکاں مانداروکی بمب جتگ ہشکی ( کیمیکل) پر ریتکگ کہ پدا گاڑی بن گپتگ انت ۔آس توسوکانی رسگ ءَ ساری درائیں گاڑ ی سوتکگ ءُُ پر بوتگ انت اے ارشانی ذمہ واری تنگا کس ءَ نہ من اتگ بلئے ارشاں پد کراچی ءِ ٹرانسپورٹر ءُُ بسانی واھنداں اے جار جت کہ اگاں اے ارش بند کنگ نہ بوت انت ءُُ دوھ دار دزگیر کنگ نہ بوت انت گڈا آ نہ گیشتگیں وھد ءَ پاساں زھرشانی کن انت ءُُ کراچی ر و ءُُ آ ءِ کار رھبند جام کنگ بیت ھمیشی ءِ ھمراہی ءَ آھاں اے لوٹ کتگ کہ حکومت اے نکس ءُُ تاواناں بدنت ننکہ نوکیں گاڑی بزور انت ءُُ وتی روزگار ءُُ برجاہ بدار انت اے درائیں کزا ءُُ وئیل سندھ حکومت ءُُ پہ گچینی رینجر ز ءَ بیہار انت کہ دوھ داراں دزگیر ھبت ءُُ سزا بدیائیں انت ۔
دومی دست ءُُ کراچی ءِ پولیس ءَ گشادی ءَ ایم کیو ایم ءِ یک سیکڑی انچارجے ءَ ھوار سے ھمرھاں دزگیر کتگ ءُُ پولکاری بنا کتگ بلئے اے گپ پکا نہ انت کہ ارشاں کئی دست ھوار انت اے درائیں گپ دزگیری ءُُ پولکاری ءَ پد زانگ بنت البت گمان ھمیش انت کہ ایم کیو ایم ءَ نوکیں جاوراں گیگ کنگ ءِ سوڈگ کتگ پہ گچینی الطاف حسین ءِ پلہ مرزی ءَ جاگہ جاگہاں بیر ءِ جنگ ءُُ متحدہ ءِ ءِ دروشم ءَ الس ءِ ٹرانسپورٹ ءَ نشانگ کنگ چریشی ءَ گمان بیت کہ متحدہ ءِ یک برے (گروہ) اے کارانی ھوار انت اے کارانی د رائیں مول ءُُ مراد ہمیش انت کہ کراچی ءِ ھمروچی کار ءُُ روزگار ءَ بند کنگ گوستگیں سالاں متحدہ ءِ بازین پہ گچینی سلہ بندیں باسکے اے وڑیں کاراں ھمگرنچ بوتگ بلئے اے کار چوکہ گیشتر سندھ ءِ حکومت ءِ ھلاپ ءَ بوتگ انت پمشکہ بنجاہی حکومت ءَ ھچ نہ گشتگ نوں اے گپ پدراِ نت کہ بازیں زوراکے پہ گچینی بھارت ماں کراچی ءَ جاوراں نگیگ کنگ لوٹ ایت تنکہ پاکستان ءِ حکومت آھانی دیم ءَ ایر ماد بہ بیت اے گپ ءَ نوں بنجاہی حکومت مارگان انت کہ اے جیڑھ ایوک ءَ سندھ ءِ حکومت ئیگ نہ انت بلکیں بنجاہی حکومت ءُُ آئی ءِ ادارگاں ئیگ انت پمشکا اے سلہ بندیں ٹولیاں ہمنچک زوت بوت کنت بنجاہی حکومت گر ءُُ دار بکنت جوان تر انت سندھ ءِ سیمسر گوں بھارت ءَ ھوار انت ءُُ اے سیمسر سک دراج انت ھم پمشکہ گمان انت کہ بھارت چہ بلوچستان ءَ گیشتر ھمے راہ ءَ دزمانجی کنت اے ھاتر اچہ بلوچستان ءَ سندھ ءَ روکیں مردمانی چار ءُُ ٹپاس ءَ بائدیں گیشتر چار ءُُ ٹپاس چہ سندھ ءُُ بلوچستان آوکیں مردمانی بہ بیت اے درچ ءَ کراچی ءَ اے نوکیں ویل ءُُ کزا اے شون دئینت کہ بھارت متحدہ ءِ سلہ بندیں ٹولیاں پہ وتی مول ءُُ مراداں کارمرز کت کنت تنکہ ملک ءَ پہ گچینی سندھ ءَ ناشری گیش بہ بیت ۔
اے درگت ءَ کراچی ءَ اے حاترا نشانگ کن انت تنکہ پاکستان ءِ مالی جاور گیگ مہ بیت ۔اے بابت ءَ سندھ ءُُ بنجاہی حکومت ءِ ذمہ واری انت کہ اے وڑیں سلہ بندیں ٹولیاں شوہاز بکنت ءُُ دزگیر بکنت اے گپ پکا انت کہ متحدہ ءِ ھما سلہ بندیں ٹولی انت کہ چد ءُُ پیسر ماں کراچی ءَ اے وڑیں ویلاں ھوار بوتگ پرچکہ اے وھد ءَ ملک ءَ الطاف حسین ءُُ آئی ءِ پلہ مرزی کنوکیں مردمانی کرا ایوکا ھمے یکیں راہ سرا اتکگ کہ کراچی ءُُ سندھ ءِ ایندگہ دمگاں ہنچیں ناشریں بکن انت ءُُ مہلوک ترس ءِ آماچ بکن انت ءُُ ہمے وڑا دژمنیں ملک ءِ ہذمت ءَ بکن انت نوں اے استاں ءُُ آئی ءِ ادارگانی ذمہ واری انت کہ مہلوک ءِ ساہ ءُُ سر ءِ حیر ءَ بکن انت ءُُ اے ٹولیاں شوہاز بکن اَنت ۔اشاں ذگیر بکن انت ءُُ سزا بدئینت۔
