لبزانک ءِ سر ءَ گپ جنگ بہ بیت گڈا لبزانک ءِ تہا بازیں چیز کاحنت ادب ہما چیز انت کہ آئی ءِ تہا زند ءِ ہمک پڑ ءِ بارو ءَ گپءُُ حبر بیت لبزانک انسان ءِ ہما مارشت ءُُ احساس انت کہ آ برے چیزے گندیت ءُُ ماریت آئی ءَ را شاچشت ءِ دروشم ءَ دیم کاریت ہما ئی ءَ رالبزانک گش انت ایشیءِ تہا گپ ہمک پڑا جنگ بیت من وتی بنگپ ءِ سر ءَ کاینت بلوچی ادب ءِ تہ ءَ اگاں چہر ءُُ شیبن ءِ سر ءَ گپ بہ بیت گڈا درساں ساری مئے گپ شائری ءَ کیت انت شائری ءِ بازیں پہنات انت من بس یک کسانیں بنگپ ءَ گوں ہم گرنچ انت آ بلوچی شائری ءِ چہر ءُُ شیبن ءِ بارو ءَ گپ بہ بیت گڈا درساں چہ پیش حیال وت ترا بارت ملائی اہد ءَ سرکنت ملائی دور ءِ تہ ءَ شائری ءِ چہر ءُُ شبین انچو نامداریں کہ آئی ءِ تہا مستریں نام ملا فاضل ءِ کیت انت ملا فاضل ءِ بلوچی کلاسیکل شائری ءِ تہا ہما چہر ءُُ شبین کا رمرد کتگ دگہ کس ءَ اے وڑا کارمرز نہ کتگ آئی ءِ ہمک شعر چہ چہر ءُُ شبین ءَ بندات بیت ءُُ چہر ءُُ شبین ءَ آسر بیت شعر ءِ زیبائی ءُُ ڈولداری ءِ مستریں چیدگ گڈا چہر ءُُ شبین انت ملا فاضل شعر انچیں دابے ءَ کامرز کتگ ترا انچو سما بیت تئی جند گوں انت تئی احد ءُُ زمانگ انت گشئے آئی ہمک شعر وتی مٹ ءُُ درور وت انت ۔پہ درور
کوش گوں کہربائیں حنگ ءَ
دابانی گلیں مہر نگ ءَ
حروھد داب ءَ کنت نودی شل
گندیم گونگیں گرکی تل
استین ءُُ پیاپیں ترونگل
اے شعر اگاں گوں سرجمی ءَ چارگ بہ بیت اے شعر وت پدر کنت کہ چہر چی یے ملا فاضل ءِ شعر ءِ وانگ ءَ چہ سرجمی ءَ زانگ بیت ملا وتی احد ءَ یک مزنیں نامے کہ آئی ءَ را چہر ءُُ شیبن ءِ بادشاہ گشگ بوت کنت ۔
بیا وشیں الہانیں کمری الگاریں
سہر گوناپ ءُُ دیدگ ہماریں
ملائی وہد ءَ ملا فاضل ہمک گپ ءُُ حبر ءَ گوں شعری دروشم ءَ چہر ءِ یک انچیں نامے داتگ کہ آئی ءِ گپ ءُُ کسہ وت پدر کنت
یا انارے کہ حپتگاں پش ایت
گروحگاں بیماریں دلوں کش ایت
یا کہ
موسمی ترھوراں الم چو ہمیہ زدی
آگسد گواریں کہرباشنزان انت دری
اد امن ملا ءِ عہد ءُُ زمانگ ءِ اے شعر ءَ ہمے پوہ باں بلوچی لبزانک ءَ ملا چہ پد ہمے رواج ءِ زندگ دارگ ءَ گڈا واجہ عطا شاد ہما نام انت (بر جاہ )
