گوادر:سردار اختر جان مینگل مختصر دورے پرگوادر پہنچ گئے، مختلف شخصیات کے گھرآمد ان کے پیاروں کی وفات پر تعزیت کی، تفصیلات کے مطابق جمعرات کے روز سردار اختر جان مینگل گوادر کے مختصر دورے پر پہنچے تو کارکنان نے سینکڑوں کی تعداد میں ان کا استقبال کیا اور نعرہ بازی کی، سردار اختر جان مینگل نے گوادرمیں اپنے مختصر قیام کے دوران مختلف شخصیات کے ہاں جا کر ان کی پیاروں کی وفات پر ان سے تعزیت کی، بلوچستان نیشنل پارٹی کے مرکزی صدر سردار اختر جان مینگل نے غفور شاہ حمید حاجی اور میر عارف حسین کے ہاں جا کر تعزیت کی ان کے ہمراہ سابق سینیٹر ثناء بلوچ، مرکزی نائب صدر بی این پی ملک عبدالولی کاکڑ ، سابق ایم این اے عبدالرؤف مینگل، ایم پی اے میر حمل کلمتی ، اختر لانگو، بی ایس او کے مرکزی چیئرمین نذیربلوچ، قاسم رونجھ ، حسین واڈیلہ ، ماجد سہرابی ، حاجی خداداد واجو ، زاہد مرید سمیت دیگر ضلعی وتحصیل گوادر کے سینئر رہنماء ان کے ہمراہ تھے، پارٹی کارکنان نے سردار اختر جان مینگل کو قافلے کی صورت میں تربت کیلئے روانہ کردیا ہے
