زیوس ہچ وڑا چکاں دلگوش کنوکیں پتے نہ اَت ۔آئی ءِ چک سک باز ات انت ءُُ آ وت سک باز جیڑاں مانگشتگ ات پمشکہ آئی پہ مزنیں جنجالے چکانی نیمگ ءَ دلگوش گور کت ۔اے درائیں نادلگوشی آں ابید ہم پرائی ءَ لیٹو(Leto) ءِ چکاں پراموش کنگ گرانیں کارے ات ۔ آسک جلوہ ناک ءُُ زیبا ات انت ءُُ پرائی ءَ زبیائی ءُُ شررنگی درستاں چے مستریں میار ات انت ۔وہدے آئی ءَ چہ اولمپس ءَ جہل وتی چم شانک دات انت ۔زمین ننداں دراہاں گیش آہانی رنگ ءُُ دروشم جڑشکگان انت ۔پراہاں آئی ءِ گمان ہمیش ات کہ آہان رنگ ءِ جڑشک وت چہ ہماہانی صورت ءَ کیت ۔ہمے دوئیں جاڑاں کہ ہریکے چہ دومی ءَ جتا ات ۔ اپولو زرد ءُُ سر رنگ ات ءُُ آرٹیمس آپ رنگ ءَ اسیپت ات ۔آئی ءَ گمان کت کہ اے دوئیں ’’دیھ دروشم‘‘ انت بائدیں ماں اولمپس ءَ جاہ منند بہ بنت ۔آئی ءَ آہانی سیمی بوتن ءِ روچ ءَ پراہاں داد ءُُ سوگات دیم دات ۔ آئی سونار ہیپاٹیڈ( Hephaestus) پرمات کہ پہ اپولو ءَ یک سہر ءِ کمانے شر بکنت گوں سہرے جابگ ءَ کہ آء ءِ سہر ءِ تیر ہچبر ہلاس مہ بنت ءُُ پرائی ءَ یک سہرے ءِ اپس گاڑی یے گوں سہرءِ کسانکیں اپسان جوڑ بکنت ۔بلئے آئی آرٹیمس ءَ ہچ سوگات ءُُ داد نہ بکشات آئی ءَ لوٹ ات آرٹیمس وت چرآئی ءَ سوگات ءُُ داد تلب بکنت ۔آئی ءَ آ وتی کٹ ءَ کت ءُُ آئی ءَ را گشت ’’ تو چے لوٹ شررنگیں جنکک؟‘‘ آئی ءَ گشت ’’ من مدام تئی جنکک بوہگ لوٹاں یک جنیے ہچبر ناں ءُُ منی بائدیں باز نام بہ بنت یک نامے من ءَ وش نہ بیت ۔من یک کمانے گوں تیراں اوں لوٹاں بلئے اے نگرہ ءِ بہ بنت ،سہرے ناں ! مناں آسکے پوست ءِ دوچی ایں پشکے درکاریں پہ گورا کسان بہ بیت مناں ۵۰ دریائی ( زری) پری پہ سوت ءَ درکار انت ءُُ ۲۰ جنگلی پری پہ شکار ءَ ،مناں تازیانی رمے ہم درکار انت ۔تچوک ءُُ وروکیں من لوٹاں کہ کوہ منی دیار بہ بنت ءُُ ایوک یک شہرے یک شہرے پمن باز انت ۔مناں شہر دوست نہ بنت‘‘۔ آئی ءَ وتی دست مپت کت انت گوں آئی ءِ رشاں لیب کت ءُُ گوں آئی ءَ کند ات ہو مناں ہمے چز درکار انت ۔ہمے چیز پہ تئی وڑیں چکے ءَ چشیں ہزار قربان کہ مز دلیں ہیرا برے برے پمن زہر گپتگ ۔ترا چرآئی گیشتر رسیت کہ تو وت چہ دپ ءَ لوٹ اتگ ۔ترا دائمی جنین چکی ءِ سوگات رس ایت ءُُ اے داد ہم ترا بکشاہگ بوتگ کہ اگاں تئی دل بلوٹ ایت تو وتی اے گپ ءَ بچ ایت ہم کنے ترا ہما دست کپت ایت کہ تئی دل لوٹ ایت ءُُ گڑا سرا چہ درستاں گیش اے سوگات کہ تو درا برو ءُُ ہرچی کہ ترا دوست بیت ترو ہر چے وڑیں گراں بہائیں چیزے بہ بیت پہ تو سوگات انت ۔آئی ءَ آ چک ایت ءُُ آئی ءِ گوش ءَ گشت ’’’ منت وار ‘‘ ءُُ در ءَ درکپت پہ وتی گران بہائیں سوگاتانی شوہاز ءَ ۔آ جنگل ءَ شت ،کور ءَ شت ،زر ءَ شت ءُُ شت ءَ جوان شت پہ وت ءَ زیبائیں پری ئی درچت انت ۔پدا لوڈیگ ءِ کر ءَ شت کہ کوہ ءَ وتی کار ءَ ات ءُُ گشت ’’ من پہ وش کمان ءَ آتکگاں ،یک نگرہ یے ءِ کمانے ءَ ‘‘ آئی ءَ گشت ’’ نگرہ ءِ کمان ءِ جوڑ کنگ چہ سہر ءِ کمان ءِ گران تر انت ۔‘‘ اے گوں سردیں شہماں جوڑ کنگ لوٹ ایت ۔اے آپ ءِ چیر ءَ جوڑ کنگ لوٹ ایت ۔ترا دریا ءِ چیر ءَ روگ لوٹ ایت ،جزیرہ لیپاراں ءِ چیرا کہ اودا یک چمیں دیھ( سائی کلوپس) پہ پوسیڈن ءِ اپس ءَ کہہ دانے شرکنگان انت ۔آ مرچاں بید اپساں دگہ ہچ نزانت ۔ آ رٹیمس گوں وتی پریاں زر ءَ زیر آپ بوت کہ اودا سائی کلوپس ہمے ٹوہیں کہہ دانے سرا کار ءَ ات۔ پری یک چمیں ترسناک ءُُ بدروئیں دیھ ءِ گندگ ءَ ءَ گوں دل ترک بوت انت آہاں آئی ءِ ہتوڑی جنگ ہچ وڑا وش نہ بوت بلئے آرٹیمس ءَ آئی ءِ دیم ءَ دور کت ءُُ گشت کہ ’’ مناں بیپاٹیسس ءِ یک کلہہ یے گوں آئی ءَ پہ تو گشتگ کہ توارے دان ءَ گستا ایر کن ءُُ پمن یک نگرہ ءِ کمان ءُُ چابگے شر بکن ءُُ اے یک ہنچیں جابگے بہ بیت کہ اگاں ایشی ءِ تیر ہلاس بہ بنت ۔اے پدا وت پر بہ بیت ۔اگاں تو چو کنے من وتی جتگیں اولی شکار ترا دیاں ’’ سائی کلوپس کہ سکیں لالچی یے ات ءُُ اے وہد ءَ کہہ دان ءِ جوڑ کنگ ءِ سک دمبرتگ ات پرے کار ءَ رازی بوت ۔وہدے آہاں کمان شرکت گڑا آئی ءَ پہ داب آہانی منت گپت بلئے وہدے آہانی رہشون برونٹ (brontes) ءَ آ وتی کونڈاں چست کنگ ءِ جہد کت گڈا آئی ءَ چہ آئی ءِ سینگ ءِ پٹاں مچے گوتک آئی ءَ گشادی ءَ آ جہل ایر کت ءُُ وت پریات ءَ چوداں درشت ۔آئی ءَ وتی نگرہ ءِ کمان برز کت ،گل ءَ بال بوت آ ماں پٹ ءُُ گیابان کوہ ءُُ دمناں مان کپت آئی ءِ پری آئی ءِ دمب ءَ گل ءُُ شات ،جاک ءُُ سلوات گون اتاں ،پریانی پاد بانزل چست ءُُ ایر بوت انت ءُُ زلف گوات ءَ شنگ اتاں ۔ناچ کنان ءُُ سوت جنان ات انت ۔داں آ آردیا ءَ اتک ءُُ سر وبت انت کہ ہودا پان ( pan ) وتی تازیاں نوک دئیگان انت ۔ او پان ! ‘‘ آئی ءَ توار جت ’’ او جنگلانی کسانکیں بادشاہ ،منی دوستی ایں ناکو زتک ،پہ خدا ! من ءَ وتی لہتیں تازی بدے ،ہما کہ چہ درستاں شر ترانت ،ترا منت انت !۔
