کوئٹہ میں نامعلوم افراد نے فائرنگ کرکے 35سالہ شخص کو قتل کردیا

|

وقتِ اشاعت :   April 18 – 2017

کوئٹہ: کوئٹہ میں نامعلوم افراد نے فائرنگ کرکے 35سالہ شخص کو قتل کردیا۔ پولیس کے مطابق واقعہ سیٹلائٹ ٹاؤن کے علاقے کاکڑ کالونی میں خوشحال روڈ پر پیش آیا جہاں نامعلوم افراد نے دارو خان ولد دوست محمد کاکڑ کو گولیوں کا نشانہ بنایا۔ پیٹ، سینے اور بازو پر چار گولیاں لگنے سے دارو خان موقع پر ہی جاں بحق ہوگئے۔ فائرنگ کے بعد ملزمان موقع واردات سے فرار ہوگئے۔ مقتول کی لاش سول اسپتال کوئٹہ میں ضابطے کی کارروائی کے بعد ورثاء کے حوالے کردی گئی۔ پولیس کے مطابق قتل کی وجہ معلوم نہیں ہوسکی۔