پیشی گپے کہ گریب ءُُ نیزگاریں دہکان کارے مرت ءُُ آئی ءَ را بہشت ءِ دپ ءَ دیم دیگ بوتگ ءُُ ہمے وہد ءَ سکیں سیر ءُُ ہزگاریں مردے ہمود ءَ سر بوت کہ آ ہم بہشت ءِ پترگ ءَ دلمانگ ات ۔

سینٹ پیٹر (saint peter) گوں بہشت ءِ کلیتاں اتک ءُُ ہمے ہزگاریں مردے کہار جنت دیم دات بلئے مردنی چمے پہ گریب ءُُ نیزگار ءَ نہ کپ انت ءُُ پر ءُُ تہتگے برزکتاں دہکان ڈن ءَ ات ءُُ اشکنگ ءَ ات کہ پیم ہمے ہزگاریں مرد کہ ءَ را گوں ساز ءُُ دمامہ ماں بہشت ءَ وش اتک کنگ بوہگ ءَ ءُُ ہر پیمیں وشی پرآئی ءَ درشانگ بوہگ ءَ ہرنیمگ ءَ سوت اتءُُ سمبک ات پدا بلائیں ہاموشی ءِ بوت ءُُ سینٹ پیٹر اتک ۔

بہشت ءِ تہتگے پچ کت انتءُُ گریبیں دہکانے تہا دیم دات ۔ اے گریب ءَ ہمے امیت داشتگ ات کہ پہ منا ہمے وڑ ءَ سوتءُُ ناچ بیت وہدے کہ آ تہا سربیت بلئے بس ہاموشی ات ءُُ دگہ ہچ آ پہ باز مہرءُُ دوستی وش اتک کنگ بوت ءُُ دزگرگ بوت اے وَ راستیں حبرے ات کہ پرشتہ ہم آئی گندک ءَ اتک انت بلئے سوت کس ءَ نہ جت گڈا آئی ءَ گوں سینٹ پیٹر ءَ را پرس ات کہ اے چونیں مکامے کہ پہ من ءَ کس ءَ سوت نہ جت ءُُ پہ آ ہزگار ءُُ سوت ءُُ سمبک بوت ءُُ من انچو مارگ آن اے بہشت ءُُ دنیا ءِ کار ءُُ ہنر درہ یک وڑان ہمے پیم ہود ءَ بوتگ پورا ہمدا بوہگ ءَ انت ۔

گڑا سینٹ پیٹر ءَ پسہ دات کہ اناں چش نہ انت مارا تو ہمے پیم دوستے چشکہ آ دگر ءُُ بہشت ءِ ہر چیز ءِ تام ءُُ مزگ ءَ بہ گر انچو کہ آ ہزگاریں مردے گپت بلئے گپ ءِ جند اش انت کہ تئی پیمیں گریب ءُُ نیزگاریں مردم ہرروچ بہشت ءَ کائینت ءُ‘ بہشتی بنت ءُُ اے وڑین سریں سداں سال یکے کیت ۔

دومی کسہ: است ات یک گریب ءُُ نیرگاریں جنین ئے کہ آئی ءِ دو چک ات انت کسترکیں چک ہمک روچ دار چنی ءَ جنگل ءَ شت یک روچے آئی ءِ سر پہ شاہ ءُُ بنڈے ءِ شوہاز ء۔ دور کپتگ ات کہ یک کسانکیں بلئے مہر ءُُ زرنگیں گونڈلے اتک ءُُ آئی ءَ را پہ دارچی ءَ کمک ءِ کتءُُ آئی ءَ شریں سرے دار چت بست ءُُ سراکتءُُ دیم پہ لوگ ءَ رہ گپ ءُُ انچو کہ آ راہ گپت ہما دمان ہمے زرنگیں گونڈل ہم گار بوت ۔

ہمے نیزگار ءَ وتی مات ءَ را اے درسیں حال داتاں بلئے آئی ءَ را وتی چک ءِ گپ باور نہ بوہگ ءَ ات انت دگہ یک روچے آئی یک گلابے وتی لوگ ءَ آورت ءُُ مات ءَ را گشت کہ اے منا ہما ڈولداریں گونڈ و ء۔ داتگ ءُُ منارا گشتے کہ گلاب وہدے الکاپی ءَ پچ پلی ءُُ وتی بوہ ءَ آتاریت گڑا آ پدا کیت پہ منا ۔

مات ءَ گلاب ءِ پل آپ ءِ تہا ایر کت یک سہبے ہمے نیز گاریں گونڈل واب ءَ پاد نیتک گڑا مات شت کہ چک ءَ ٹوہیناں بلئے آ مرتگ ات ءُُ انچو گندگ پیداک ات کہ آسک وش ءُُ گل ات گڑا ہمے سہب ءَ گلاب پہ الکاپی پچ پل اتگ ات ءُُ آئی ءِ وشبو ءَ جہان سرا زرتگ اَت۔