سوات: منگرکوٹ مالم جبہ میں بارش کے دوران کرنٹ لگنے سے 2 افراد جاں بحق جب کہ 8 مکانات بھی جل گئے۔
سوات میں منگرکوٹ مالم جبہ میں بارش کے دوران شارٹ سرکٹ کے باعث کرنٹ لگنے سے 2 افراد موقع پرہی جاں بحق جب کہ 8 مکانات میں بھی آگ لگ گئی جس کے بعد بجلی کا نظام درہم برہم ہوگیا۔
پولیس کا کہنا ہے کہ امدادی ٹیموں کی جانب سے امدادی کام جاری ہے جب کہ جاں بحق افراد کی لاشوں کو اسپتال منتقل کردیا گیا ہے اور کاغذی کارروائی کے بعد لاشوں کو ورثا کے حوالے کردیا جائے گا۔