بلوچ راج ہم انچیں Conceptءِ ماں وتی گیدی کسہ ئے پیشدار یت کہ ہدا پٹکیں مرگ ءَ را پل ءُُ پُر دنت کہ برو زمین ءَ اے پلاں مردمانی سرا بہ ریچ دانکہ بہہ مہ مرانت ءُُ پُراں کرگ ءِ سرا بہ ریچ دانکہ آ مرایت پدا زندگ مہ بیت۔

بلئے پٹک بد ایمانی کنت پراں انسان ءِ سرا مان ریچیت ءُُ پلاں کرگے دانت پمشکہ انسان مرایت پدا پادنئیت کرگ ءَ تش تش بکن پدا زندگ بیت اے لہتیں ڈولداریں لوجک انت کہ ترا ہو گشگ ءَ لاچار کننت ءُُ تو پدا بہ چار کہ دائم ءُُ کائم پٹک ءُُ کرگ ءِ پل ءِ سرا نشتگ ۔

افریقہ وتی گیدی کسہانی تہا وتی سرڈگار ءَ آئیءِ موسم ءُُ مولماں سک شر پیشداریت گرماگ ءَ باز گرم بیت ءُُ زمستان سک سارت انت پمشکا آئی ءِ گیدی کسہانی تہا آس سک باز مزنیں بستارے داریت ۔

افریقہ ءِ گیدی کسہ ءِ تہا وت گلا کم شرپ انت کروس کہ وت گلائی کنت پلنگ ءِ کرا کہ منی سرے تاج ءَ آس مان ترا ہردیں آس ءِ زلورت بیت پہ من بیا پدا بہ چار ہال ءِ چے بیت جنگل ءِ آزاتیں چارگرد ءَ زندگوازینوکیں مرگ ءِ سر پہ بازار ءَ کپیت ماں تنک ءُُ تہاریں لوگانی تہا ہرس ءُُ ہسدی ئیں ءِ کہس وانگ کرزنت ۔

بے کاری ءُُ ٹپری اے کاری ئیں ءُُ جان کشیں راجے تہا بلائیں ائیب اے درگت ءَ مم ءَ پرچہ لٹک پر نیست بلائیں سکبے دگرے مال ءَ پریچی ءَ مہ بر کہ آئیءَ واجہ نیست اے درگت ءَ کوراں گوتک پرچہ بے لٹکیں جوانیں درورے ۔

پلنگ ءُُ موکو ءِ کسہ ،ترا اے پیشدارگ ءَ انت اگاں راج ءِ سروک دزے بہ بیت گڈا آئیءِ دست گڈگ بنت ءُُ آئیءِ پد تچگ ءُُ روگ بیت افریقی گیدی کسہانی تہا مارگ بیت کہ آ چو آزمانک ءَ انت چیاکہ آ ترا اودار پرمائینت کہ ہلاسی ءَ باریں چے بیت اے چیز افریقی گیدی کسہ ءَ را باز پرمانا کنت ۔

افریقہ ءِ گیدی کسہ ءِ تہا آئی ءِ زمین ءُُ لینڈ اسکیپ گندگ کاینت ءُُ پدا ہما ہند ءُُ ابیل کوہ ءُُ تلارانی کہ نام انت کہ آیانی جوڑشت انت ایشانی پشدرے ہم کسہ ساچگ بوتگ یا وتی ٹک ءُُ بولکانی بندات بوہگ ءِ اہوال ہم گیدی کسہاں پدر کنگ بوتگاں کلی منجاورے ءِ دو برزیں کوہ ’’ کیبو ءُُ ماونزی‘‘ ءِ پشدر ءَ ساچتگیں گیدی کسہ اے گپ ءِ شاہدی ءَ وت دنت ۔

افریقی سک مزنیں راجدوستیں راجے ماں اے جہان ءَ آئی ءَ وتی برزیں کوہ مزیں ریکزار ،تچوکیں کور ،ازامتیں آپشان ،زیچان ،وتی رستر ءُُ لولک ،وتی تہلگ ءُُ دار ءُُ درچک بے نہود ءَ دوست بنت ءُُ ہمے چیز ترا افریقہ ءِ گیدی کسہانی تہا دست دینت ۔من ہمدا وتی گپ ءَ گونڈ گراں ہمے چیز اتنت کہ منی واستہ افریقی گیدی کسہانی رجگ ئے نیمون جوڑ بوتنت۔ ( ہلاس)