پاکستانی فون ءِ کماش ءَ لہتیں روچاں پیسر ایران ءِ دو روچی تروتاب کتگ ات۔ تروتاب ءِ میان ءَ جنرل قمر جاوید باجوہ ءَ ایرانی گوج ءِ کماش ءَ ہوار ایندگہ ایرانی راجکاری رہشوناں گوں گندونند کتگ ۔

گندو نند ءَ وت ماں وتی جیڑہءُُدمگی جاورانی سراگپءُُتران بوتگ ۔ایران ءُُ پاکستان ءِ ہواریں سیمسر ایمنی ءُُ سلامتی ءِ سمیسر گشگ بیت کہ آ یشی ءَ را نوں ناشر ءُُ پہ گچینی نیکراہی ناشر زوال کنگ لوٹ انت اے سیمسر ءِ دوئیں نیمگاں بلوچ قبیلہ جاہ منند انت ءُُ دوئیں نیمگ ءِ قبیلہ وت ماں وت ءَ سیاد ءُُ وارث انت ۔

اے سیمسر ءَ لہتیں ناشری ءِ ویلانی آسر ءَ مہلوک ءِ رو ءُُ آ ءِ سرا بندش جنگ بوتگ ءُُ بازیں جاہاں دیوال بندگ بوتگ ،باز جاھاں کھڈ کوچگ بوتگ ءُُ بازیں جاھاں کنٹگی ایں سیم جنگ بوتگ بلئے پاکستان ءِ ایندگہ سیمسرانی دیم ءَ اے سیمسر ایمنی ءِ سیمسر انت پرچکہ پاکستان ءُُ ایران ءِ میانجی ءَ ہچ وڑیں اڑ ءُُ بیرے نیست ۔۱۸۷۵ داں ایرانی بلوچستان ہم بلوچستان ( ریاست قلات) ءِ بہر ءُُ ونڈ بوتگ ۔

ناشریں انگریز ءَ اے دمگ ایران ءَ بکشات انت چووت انگریز دنیا ءِ زور آور تریں ملک ات ءُُ آزمانگ ءِ سپر پاور ات بلئے گوں آئی ءَ اے دمگ ءِ گر ءُُ دار بوت نہ بوت ۔ پدا اے دمگ ءَ آئی ءَ ایران ہم نارزا کت نہ کت پمشکہ آئی ءَ اے درائیں دمگ ایران ءِ سپرد ءَ دات ۔بازیں دھکاں پد ایران ءِ حکومت ءَ اے درائیں دمگ بید ء بلوچ مہلوک ءِ رزا ایران ءَ ہوار گیتک ۔

وہدے پاکستان جوڑ بوت گڈا ایران دنیا ءِ اولی ملک ات کہ آئی ءَ پاکستان یک ملکے ءِ درچ ءَ من اِت۔ایشی ءِ بندری سوب سلامتی ئیگ ات انت ۔دوئیں ملکانی میان ءَ یک ہزار کلومیڑ ءِ سیمسر ی لٹے کہ برٹش انڈیا ءُُ ایران ءِ میان ءَ اے حد ۱۸۷۵ گیشنگ بوتگ ءُُ پاکستان ءُُ ایران ءِ میان ءَ اے سیمسری حد ۱۹۵۸ ءَ ایوب خان ءِ فوجی حکومت ءِ د ور ءَ گیشنگ بوتگات کہ بلوچستان ءِ بازیں گیشیں دمگ ایران ءَ دئیگ بوتگ ات انت ۔

پاکستان سیمسری کمیشن ءِ کماش یک جنرلے ایں ایم رضا ات ۔اے مرد ءِ گوں ایرانی واکداراں جوانیں سیادی یے است ات ۔سوڈگ ءَ پد کمیشن ءِ مردمانی میان ءَ مزنیں داد ءُُ دہشتے بوت ۔بلئے دومی نیمگ ءَ بلوچ راج دوست نہ ایوک ءَ پاکستان مزنیں آ میدگس ءَ شت انت بلکیں آھاں ملک ءِ بازیں دمگاں زہر شانی ہم کت ۔آھانی لیکہ ایش ات کہ حاکماں اے واک ءُُ وس نیست کہ آ پاکستان ءِ زمین ءَ وت رزا ءُُ دوستی ءِ سرا دگہ ملکے ءَ بدئینت ۔

ایرانی بلوچستان ءَ ایرانی حکومت بلوچ جنگے ءِ دیمپان ات کہ آئی ءِ پلہ مرزی ءَ کنگان ات ۱۸۷۲ ءَ میر غوث بخش بزنجو کہ آ وہد ءَ پاکستانی بلوچستان گورنر ءُُ کماشیں رہشون ات ۔شہنشاہ ایران ءِ دزبندی ءِ سرا آ سلاہ ءُُ بنا ءَ ساڑی بوت ءُُ آئی ءِ گشگ ءِ سرا ایرانی بلوچاں وتی جنگ ھلاس کت ۔ہمے سلاہ ءُُ بنا ءَ پد پاکستان ءُُ ایرانی بلوچانی گہگیری ہلاس بوت بس کدی کدی یکءُُدو ناوشیں ویل بیت کہ آہانی سیادی گیشتر گوں نیکراہی ناشری ءَ انت ایران ءَ مدام پاکستانی بلوچستان ءَ دیمروئی دئیگ ءِ سرا دلگوش گور کتگ ۔

بلوچستان ءَ دو مزنیں گدے مل جت ءُُ دات کہ اشانی تہا ۱۸ ہزار مززور ءِ کار کنگ ءِ گنجائش ہپت ات ۔پاکستان ءِ واکداری اے ملانی تہا پیسر ءَ مزنیں کرپشن پرمات ءُُ پلاہمے نیمون ءَ بندکت انت ۔

یک کارجاھے ءِ میشنانی نرک ءُُ نہاد نیادی ءَ دو ارب کلدار ات بلئے یک پیسریگیں گورنرے گوں ہندے ءَ اے درائیں ساز ءُُ سامان ایوک ءَ ۱۶ کروڑ ءَ بہا زرت انت ۱۸ ہزار مردماناں بے روزگار کنگ ءِ نیمگ اے گشگ بوت کہ اے کار جاہانی جاگہاں دو یونیورسٹی جوڑ کنگ بیت کہ بہہ جوڑ نہ بوت انت گپ ءِ مول ءُُ مراد ایش انت کہ ایران ءُُ پاکستان ءِ سیادیءُُنزیکی حراب ءُُ نہ وش نہ انت ۔

اے تروتاب ءِ میان ءَ یکبرے پدا ایران ءَ اے گپ دیم ءَ آورت کہ آ پاکستان ءَ را گروک ءُُ گواتینک ( گیس) ارزانیں نیاداں دئیگ ءَ ساڑی انت ءُُ ایران پاکستان لین ءِ درائیں زلورتان پور ا کت کنت ۔