اے زمانگ ءَ نوشکی ءِ پولیٹکل ایجنٹ کپٹن کول ات ۔کپٹن کول ءَ بلوچی وانگ ءِ ہب بوت اسل ءَ اے گپ ہم ہست ات اے وڑیں اگدہ داراں اگاں ہندی زبان ہیل کتیں گڈا آہاں ہمے زبان ءِ درگت ءَ الاونس رست کول ءَ گورنمنٹ ہائیر مڈل سکول ہیڈ ماسٹر ءَ را دزبندی کت ءُُ ہیڈماسٹر ءَ واجہ عبدالواحد آزات جمالدینی ءُُ را گچین کت ۔آزات کپٹن کول ءَ را بلوچ وانیت ۔

اے وڑا آئی ءَ بلوچی وانگ ءَ نشتہ کنگ ءِ موہ رس ایت ۔پدا آزات ءَ(ّ بلکیں گوں کول ءَ نزیک بوہگ ءِ سوب) سوجکاری یلہ دات ءُُ بارڈر انٹلی جنس ءَ نوکر بوت ۔اے نوکر ی ءِ ھاترا ءَ پہ ہیلکاری ( ٹرینگ) آپشاور ءَ شت ۔

پدا شش ماہ ءَ پد کوئٹہ ءَ ھاترا بوت ءُُ پدا آئی ءَ رانوکنڈی ءَ دیم اش دات اے زمانگ ءَ آزات پد خان جہان ءُ آئی ءِ میر فقیر محمد ہچ نوکنڈی ءَ اتنت پت ءَ ہمودا دکان یے ہست وہدیکہ آئی ناکو لیویز صوبیدار ات ہمے زمانگ آزات ءَ وتی ناکو ءِ جنگ ءَ گوں ہمودا آروس کرت آزات ءِ آجوئیں تب ءَ گوں اے نوکری ءَ ہم میل نہ وارت ۔

پمشکہ سال یے ءَ رند آئی ءَ اے نوکری ہم یلہ دات ءُُ ہمودا نوکنڈی یک لوگ یے ءُُ دکان یے جوڑ کت ءُُ وتی بیپارے بناکت ہمے میانجی ءَ بزاں ۱۹۳۹ آئی آرپتیں پت امروز رخصت کت پت ءِ بیرانی ءَ آزات ءِ لوگی ڈبہ گیش بوت انت بلئے آئی ءِ بیپار باز ودات ہمے سالاں دومی میان استمامی جنگ بنا بوت ۔

دومی نیمگ ءَ چہ افغانستان ءُُ ایران ءَ بازیں شپک یے ماں کنڈی ءَ اتک ءُپ شت آزات گوریشاں گوں رو ءُُ راستی بوت اے وڑا آئی ءِ بیپار گیشتر ودت ءُُ آ نوکنڈی مزنیں سیٹاں شمار بوت ۔

پدا آزات زاہدان ءَ شت چونا ہپتگے ءِ واستہ شتگ ات بلے اے ہپتگ ءَ سال گوست انت زاہدان ءَ آئی ءَ کمیشن ایکنٹی ءِ کارکرت پدا ہمود سانگے ءِ کت یے اودا دگہ جتے گپت ءُُ اولی جنے سہن دات انت آزات ہمے جن ءَ چہ یک بچک یے ءُُ یک جنک ئیے بوت آزات چداں گوں سیر لاپی ءُُ ہستو مندی شتگات بلئے واتر بوت گوں جان یے گداں ۔

ادءَ آئی ءِ کنڈی دکان ہم ہلاس بوتگ ات ۔آئی ءَ یکبرے کاروبار بنا کت بلئے نوکنڈی ءَ چے درکچو ءَ ایران سیم سر ءَ پچ کت ۔بلئے آزات گوں سرکار ءَ نہ ٹھت پمشکہ دکان بند بوت پدا آئی ءَ ٹھیکداری بنا کت بلئے آ چہ اے کار ءَ نابلدات پمشکہ آئی ءِ داراش وارت انت۔

ءَ آزات وام دار بوت آزات پہ بیپار ءَ ہرچ نیمگ ءَ ناامیت بوت کوئٹہ واتر بوت اے ۱۹۵۰ ءِ زمانگ ات کہ آئی کستریں برات گوں وتی سنگتاں کوئٹہ بامنند اتنت کہ اودا آ بلوچ راج ترن ءُُ پگری ءِ کاراں گلاش اتنت آھانی ادارہ ءِ نام ات لٹ خانہ ،آئی ءِ کستریں برات واجہ عبداللہ جان جمالدینی ءِ گشگ۔

ءِ پدا آزات بندات ءَ آھانی کار ءُُ کرداں وش نہ ات آئی گشگ ات کہ بید زر ءَ ہستی نہ راج ہذمت بوت کنت ننکہ وتی ءُُ مہلوک ءِ بلئے نوں زند ءِ جاوراں آزات وت ہمے ورنایانی پگر ءُُ جنز ءِ باہوٹ کتگات ۔

آزات ءَ ہمیدا لٹ خانہ ءِ شپ ءُُ روچانی برکت ءَ کہ گوں ورنایا مجلس ءُُُ ہم نیاد ات شاعری بندات کت ۔آزات ءَ رابندات ءَ شاعری ءِ سکین واجہ انجم قزلباش ءَ دات ۔

ہمے روچاں آزات ءِ سنگتی گوں اردویے ورنائیں شاعر عین سلام ءَ گون بوت ۔عین سلام سنگتی ءُُ نندونیاداں چے آزات ءِ شاعری رودوم گران بوت ۔پدا زند ءِ کچل ءُُ تلہیں کتہ کاریاں آزات زت جوانیں شاعری ءِ سیمسراں سرکت ۔

مشکہ آزات ءَ زند ءِ ایندگہ درائیں کار ویل کنت ءُُ شاعری بنا کت ۔پدا آزات شعر زوت بلوچ ورناہانی تہا نامدار بوت انت ۔چوکہ لٹ خانہ ءَ بلوچستان ءُُ ملک ءِ ایندگہ شاعر ءُ لبزانتانی رو ءُُ ؤسک باز ات پمشکہ اشانی محبت ءُُ مجلس آزات ءِ زند ءُُ پگرءِ تہا باز بدلی آورت ۔لٹ خانہ ءِ آوک روکیں مردم گیشتر دیمروئی دوستیں پگر ءَ بندوک اتنت پمشکہ آزات ءِ شاعری بنگپ ہم دیمروئی دوستیں پگر ءِ بندوک انت ۔

آئی ءِ شاعری ءِ بنگپ دہکان مزور ،بزگ ءُُ زند ءُُ مردم زدگیں مردم اتنت ۔شاعری ءَ ابید نوں آزات وتی ماتیں زبان دیمروئی عرض ءَ ہم گورجت ۔اے درگت ءَ آ کار ءُُ روزگار ءِ شوہاز ءَ کراچی ءَ شت ۔

کراچی ورناسید ظہور شاہ ہاشمی ءُُ عبدالصمد امیری ءِ گوں آزات ءَ پیسرا پجاروک اتاں ۔اے ورناہاں آ وہد ءَ کراچی یک مجلس جوڑ کتگ ۔آزات ہم اے ورناہاں گوں گون ترات ۔آزات ءَ ماہتاک بلوچی ءَ درخواست دات ۔

۱۹۹۶ ءَ اے ماہتاک ءِ منظوری رست جون ۱۹۵۶ بلوچی کراچی ءِ اولی شمارا دراتک بلوچی ءِ درآہگ ءَ آزات ءَ نوکیں زندے رست ۔اے وڑا آزات ءَ وتی وس ءَ واک مال و مڈی ءُُ وہد ءَ پاس دراہ پہ بلوچی زبان ءُُ لبزانک ءَ ندرکتنت ۔ اے درگت ءَ آزات ءِ کمک کنوک واجہ محمد صدیق بلوچ واجہ محمد عمر بمپوری اتنت بلئے وشیانی روچے کم اتنت ۔آزات ءِ یائی جاور روچ پہ روچ گنتر چوان بوت انت ۔

آ گڈ سرا زیادئیں سگریٹ ءُُ پگرانی آ ماچ بوت آسک نگیگ ات ۔آئی اے جاور آئی ءِ کستریں برات عبداللہ جان ءُُ آئی ءِ سنگت غلام محمد شاہوانی گوں چارگ نہ بوت انت پمشکہ آہاں گوں بازیں کلاگ آزات مجبور کت کہ کراچی ءَ یلہ بدنت ءُُ کوئٹہ بیئت ۔

اشانی گیشیں گشگاں آزات وتی دپتر ءُُ ازباب پنچ ہزار کلدار بہا کت انت ءُُ اے نئیت ءَ کوئٹہ ءَ اتک کہ ہمے زراں ہدا پدا ماہتاک بلوچی ءَ درکنت بلئے کوئٹہ ءِ جاوراں آ اجازت نہ دات اے جاوراں آئی ریڈیو پاکستان کوئٹہ کار کرت ءُُ وتی روچ تیلانک دات انت کہ بابو عبدالکریم شورش ءَ یک ہپتگی تاک یے چہ کوئٹہ درکت ۔(برجاہ انت )