رپورٹ کے مطابق 3 سے 4 برقع میں ملبوس دہشت گرد زرعی ڈائریکٹریٹ میں داخل ہوئے تھے جبکہ بتایا گیا کہ حملہ آور پوری تیاری کے ساتھ آئے تھے۔

حملے کے فوری بعد پشاور کے ہسپتالوں میں ایمرجنسی نافذ کردی گئی، تاہم ہسپتال ذرائع کے مطابق 2 ایف سی، 1 پولیس اہلکار، 7 طلبہ اور ایک مقامی صحافی کو خیبر ٹیچنگ ہسپتال لایا گیا ہے۔

خیال رہے کہ ذرعی ڈائریکٹوریٹ پر حملے کی ذمہ داری تحریک طالبان پاکستان کی جانب سے قبول کرلی گئی ہے۔

انتظامیہ کی جانب سے پشاور کے یونیورسٹی روڈ کو ٹریفک کے لیے بند کردیا گیا ہے جبکہ علاقے کی فضائی نگرانی بھی کی جارہی ہے۔

نوٹ: یہ ابتدائی خبر ہے جس میں تفصیلات شامل کی جا رہی ہیں۔ بعض اوقات میڈیا کو ملنے والی ابتدائی معلومات درست نہیں ہوتی ہیں۔ لہٰذا ہماری کوشش ہے کہ ہم متعلقہ اداروں، حکام اور اپنے رپورٹرز سے بات کرکے باوثوق معلومات آپ تک پہنچائیں۔