پرومیتیس دلجم نہ بوت ۔آ اے درائیں شپ کارے ءِ کنگ ءِ جیڑگ ءَ واب نہ کپت ۔پدا آئی ءَ وتی پلنگ سہب ءَ اولمپس ءِ ٹل ءَ برت ءُُ اوشتات ،وتی دست دراج کت انت رودراتک ءِ نیمگ کہ اودا سہب ءِ نازرکیں شہم نوکی ترکسگ ءَ ات انت ۔

آئی ءَ یک کلمے زرت ءُُ آئی ءِ تہہ چہ ہشکیں کاہ ءُُ بچ پُر کت، آئی ءَ اے کلم روچ ءِ روکیں شہمانی تہا مان کت ،کلم دمان ءَ آس گپت ۔پدا آئی ءَ کلم وتی بگل جودا ءَ کت ءُُ چہ کوہ ءَ جہل ایر کپت اول سرا مردماں چہ چرے سوگات ءِ بیم آتک اے سک گرم ات ما سک ترند ات وہدے تو دست پرکت گڈا سک سوتک ءُُ اگاں سرا کپت گڈا مردمے ناچ پرمات ۔آہاں پرومیتیس باز منت گپت ءُُ آئی ءَ گیشت کہ ایشی چرآہاں چے دور بیارت ۔بلئے آئی ءَ آسکی ونگے ذات ءُُ ؤس ءِ سرا کت ۔

وہدے گوشت بوہگ ءَ لگ ات گڈا آئی ءِ بو ءَ درائیں گار سرا زرت ۔گوں اے بو ءَ مردمانی دپ ءَ آپ دات گڈا آہاں چہ شد ءِ ہلاہوش ءَ وتارا داشت نہ کت ءُُ گرمی ءَ چو ہڑکہی ءَ گوشت وارت انت کہ آہانی للک ستک انت ۔

من اے پمشکہ شمارا سوگات کنگ ،ایشی ءَ آس گش انت پرومیتیس ءَ گشت ،اے بد تبتیں روح اے روچ ءِ کستریں برات انت بلئے اگاں شما ایشیءِ گر ءُُ دار بزاں مئے گڈا اے شمئے روچاں بدل کنت ۔

اے ہڑکی یے ایشی ءَ مدام دار ءُُ بچ من بکن ات بلئے دلگوش بکنے اے دار ءُُ بچ داں حدے ءَ بہ بنت حد ءَ گیش دار ءُُ بچ ءَ پد اے گر ءُُ دار نہ بیت اگاں ناں گڈا اے پدا ہچ نپل ات دلگو بکن ات اگاں اے حد دراتک گڈا اے جادو ءَ کار بگر ات ۔ایشی نام آپ انت اے چہ آپ ترس ات اگاں شما ایشی آپ مان ریچ ات اے دز روت ءُُ نئیت داں ہما وہد ءَ کہ شمارا پدا حاجت مہ بیت ۔

آئی ءَ اولی ءَ گار ءَ روکی ءَ اشت ءُُ شت ۔زہگ آس ءَ را گوں درگڑتگیں چماں چارگان ات انت ۔پدا آئی ءَ زمین ءِ سرا ہرچ گار ءِ تہا آسے روک کت ۔پدا یک اناگت ءَ زیوس ءَ زمین ءِ سرا وتی چم شانک دات ،زیوس گڑ ات ۔

پرچے چز بدل بوتگ ات ۔مردم چہ گاراں درکپتگ انت ۔زیوس ءَ دار تراشاں لوگ دست انت ،پل ءُُ پسل چارات انت ۔ملک ءُُ مچکدگ دیست انت شہر ءُُ میتگ پس ءُُ گوکانی واڑ ءُُ بنجاہ دیست انت ۔

آئی ءَ دیست کہ مردم وتی وردناں گرادگاں ات انت ۔آئی ءَ دیست کہ مردماں چراگ گوں انت شپ ءَ وتی راہ ءَ چاراں ات انت ۔آئی ءَ دیست لوڑی آہن جنگان ات انت مردم گوں ننگاراں پل کشگان ات انت ۔آپی جہازانی دار تراشگان ات انت زحم ءُُ اسپر جوڑ کنگان ات انت ۔آ جہاز جوڑ کنگان ات انت ءُُ جہازناں آچارے پرکتگ ات ءُُ مان زران گوات ءِ سرا سفر ءَ ات انت ۔آہاں ہلمٹ سرا ات انت ءُُ پہ جنگانی حاترا آہاں اپس گاڑی شرکتگ ات انچوکہ دیھ کن انت ۔

زیوس ءَ سک زہر اتک ۔آئی ءَ وتی مستریں گرند پچ کت انت ۔بزاں اے آس لوٹ انت ۔آئی ءَ گوں وت ءَ گشت ۔من اشاں آسے دپاں ہنچو آس کہ ایشانی چے گیش بہ بیت ۔

من ایشانی گولیں زمین ءَ پُر ءُُ جس ءِ زیمے کناں بلئے اناگت ءَ آئی ءَ دگہ حیالے کت ءُُ پدا آئی ءَ وتی دست جہل ءَ کت انت چونہ انت آئی ءَ گوں وت ءَ گشت ،من ءَ بیروا گرگی انت ،بلئے گوں شاتکامی ءُُ وشکامی ءُُ بلئے آ وت وتارا گوں وتی اے نوکیں ہنر ءُُ زانتاں تباہ ءُُ برباد بکن انت،اے بلئے نون دوبندی ئیں لیبے بیت گڈا نندگ ءُُ چارگ وش انت من اشاں پدا چاراں منی اے وہدیگیں بیر گوں پرومیتیس ءَ انت گوں آئی ءَ وتی بلائیں سپا ہ دار لوٹائینت انت۔

ءُُ آہان گشت پرومیتیس ءَ بگر انت گران بکن انت ءُُ بیارانت کوہ کیکاس ءَ ءُُ آئی ءَ گوں کوہی کپے ءَ گوں سانکلاں بہ بند انت ۔ہنچیں سانکلاں کہ آہاں دیھ ہم پروشت مکن انت ءُُ وہدے انسان ءِ اے دوزواہ کوہ ءِ سرا تل کنگ بوت زیوس ءَ دو گتو دیم دات کہ ہر وہد ءَ آئی ءِ سرا پر تر بور نت ءُُ آئی ءِ لاپ چپ بجن انت آئی ءِ جگر ءَ بورونت ۔

مردماں زانت کہ کوہ ءِ سرا مزنیں بلاہ ءُُ بہترے بوہگ ءَ انت بلئے آہاں نزانت کہ چے بوہگ ءَ انت بلئے گوات برے چو جناں آہ ءُُ سلوات ات ءُُ برے چو تراس کپتگیں مرغے ءَ ۔۔۔

بازیں کرنے ءَ آ ہمودا بستگ ات تنکہ دگہ یک دلیریں دیھ یے پیداک نہ بوت کہ آئی ءَ دیھ جواب کت انت ،آ کوہ سر کپت سانکلے پروشت انت پرومیتیس ءَ آ چو کت گتو ءِ گشت انت آئی ءِ نام ات ہیروکلس۔۔۔۔
(God,hero,monster in greck myths)