فروری ءِ گپ انت من چو مدامی ڈول ءَ چہ واب ءَ پاد اتکاں موبائل پچ کت تہ یکپارگی درزنے وٹس ایپ ءِ میسج ایر ات میسجاں سئیل کناں ءُُ سار باں کہ لالا صدیق بلوچ ءَ چہ اے دنیا ءَ سپر کتگ ءُُ پہ وتی جارے سہب تامور کت ’’ حدا آئی ءَ باگیں بہشت ءَ جاگہ بدنت‘‘ یک برے منا باور نہ بوت بلئے زوت دل ایکیم بوتاں کہ اے پوسٹ لالا صدیق ءِ نگاہ انگت ماں میسجاں انتاں کہ چم لالا صدیق ءِ زہگ عارف بلوچ ءَ شئیر کتگ ات برات اکبر جنگہیان روان داتگیں دلپدردیں کلوہ ءَ کپتنت کہ چونپتے ماں سرا کپت ۔

لالا صدیق بلوچ ءِ اکس منی دیم ء۔ اے سہتاں من چہ زمانگ ءَ دور ماں حیالاں اتاں ءُُ جیڑان ءُُ طارق بلوچ ءِ میسجاں چاراں کونٹیں اگل ءَ نوکی سما بوہان ات کہ کہ طارق بلوچ یک برے وَ پسنی ءَ پیداک ات بلئے نیاہگ ءِ امیتے پچے دل ءَ داشتگ ات ،لالا صدیق ءِ بابت ءَ آوکیں توامیں کلوہاں گوں دلگوش اتاں تہ اے حبر ءَ اجگہ ہم بوتاں کہ لالا صدیق گونگیں مزن کدیں مردمے ءِ دروت ءُُ سلام گوں من اوں بوتگ ۔

منا سریاب روڑ کوئٹہ ءِ دمکے ءِ تہ ءَ روتاک آزادی ءِ کارگس گیر پیداک ات ءُُ لالا ءِ گپ ءُُ حبر ہم کہ مدام منی اندر ءَ نبشتہ ءُُ سکین ئے گور کتگ پرے ھاترا ءَ اتاں کہ لالا ءِ ورنائیں زہگ طارق بلوچ منی ہمراہ ءُُ سنگت ات لالا ءِ گوں وتی توامیں احوالکراں دایم دروت ءُُ سلام بوتگ ۔

من گوں ہمائی ءَ احوال فکس کنگ ءَ رند کارگس ء نمبر ڈائل کتگ ات دراہینت چہ پسنی ءَ حبر کنگ ءَ اوں پیسر ءَ نام ءَ توار کت ءُُ گشئے من روتاک آزادی ءَ گوں منی ہمگرنچی لالا صدیق ءِ زہگ ءُُ منی مہروانیں سنگت طارق بوتگ ،طارق بلوچ ہم منی پگر ءُُ لیکہانی حساب ءَ مردمے دراتک بلوچ ءِ نزیکی ءَ گوں پمیشکہ مدام سلام ءُُ دعا برجا منتاں ۔سال پیسر وہدے سریاب روڑ ءَ روتاک آزادی ءِ کارگس ءَ روگ نیسب ۱۱ مرچی ءَ چہ لالا صدیق بلوچ ءِ گندگ ءِ شرپ ءَ زبہر بوتاں ۔

روتاک آزادی ءِ بنداتی حال ءَ طارق بلوچ ء زبان ءَ سہیگ ءُُ سرپد بوتاں ۔اے لالا ءِ ورنائیں نبشتہ کاراں گوں مہر ات کہ آئی ءَ منا پہ وتی روتاک ءَ گچین کتگ ءُُ مہر ایش انت کہ واجہ ءَ مدام پدمنتگیں ءُُ وتی حالاتگ ءِ زینت جوڑ کتگ ات ۔

لالا صدیق ءَ منی کتہ کاری ءَ چہ حال تاک دیمروئی داتگ اَت۔ہما وہد ءَ کہ من گوں روتاک ءَ ہمگرنچ بوتاں منی عمر باز کسان ات ۔بلئے لالا طارق ءَ منی سکینانی سپر ارزان کتگ ات بلئے مرچی روتاک آزادی ءُُ بلوچستان ایکسپریس ءَ گوں کار کنگ ہرکسی واہگ اے مہر کہ منا رستگ باز کم مردم ءَ نسیب بیت اے منی وش بہتی انت کہ من پہ روتاک آزادی ءُُ ایکپسریس ءَ نبشتہ کناں ءُُ وانگ باں دو روچ ءَ رند وہدے ماں گوادر ءَ ہمے روتاک درکپتاں گوں زنڈیں حرفاں چاپ من نز ءَ ہمے ایکسپر یس ء اولی تاک دیم ءَ منی رپورٹ پڑاکار کنگ ء موہ داتگ نوں کہ انٹرنٹ ءِ سکیناں منا گیش تاکار ءِ آسراتی ءِ سوب ءَ روتاک آزادی ءُُ بلوچستان ایکسپریس ارزانے رنگ ءَ دزکپت انت ۔

لالا صدیق بلوچ بلوچستان ءِ یک راست ءُُ نہ ترسوکیں تاکار ءُُ زانتکارے ات لالا مدام بلوچستان ءَ گوں شیر ءُُ شکر بوہگ ءِ بدل وتی حالتاک ءَ گوں زمانگ ءَ سرکار ءِ بابت ءَ سرپد کنگ ءِ کار کتگ ،واجہ ءِ سرجمیں چمشانک پمن ارزان نہ انت یک نام داریں نبشتہ کارے ءَ ابید منی پیمیں ناسرپد یں مردمے آہاں جوانیں پوہ ءُُ سرپد بوت ہم نہ کنت ۔واجہ یک بلوچ دوست ءُُ سنگینیں نبشتہ کارے اَت کہ اچ ماں مدامی جتا بوت بلئے آئی ءِ پگر ءُُ رہشونی دائم مئے ہمراہ اَنت ۔