ماڈرنزم ءِ بنیادی مقدمہ ’علم ءِ بُنزہ‘(بزاں اپسٹمولوجی) چی اِنت ءِ سوال ءِ پسو کَنَگ اِنت۔ اے نبشتانک ءِ تہا ما ہربرٹ اسپنسر ءِ راجمانی فلسفہ ءِ زانگ ءِ جُہد کنیں۔ اول سرا مارا اے زانگی اِیں کہ اسپنسر یک ماڈرن فلاسفرے۔ ماڈرن ءِ لَبز ءَ گوں ما اے ہم زانت کنیں کہ ایشی ءَ اول سرا اپسٹمولوجی گِیشّنَگی اِنت۔ بَلئے ما اپسٹمولوجی ءِ سوال ءَ ہما وہد ءَ زانت کنیں ، وہدے ما وتی نیچر آف اسٹڈی ءَ بہ گِیشّینیں۔

اسپنسر راجمان ءَ سائنسی نگاہ ءَ گوں زانگ لوٹیت۔ سائنسی علم ءِ بنزہ آزمود ءُُ مشاہدہ اَنت۔اے درگت ءَ اسپنسر ءِ گْورا نیچر آف اسٹڈی سائنس اِنت کہ ایشی ءِ بنیاد ءَ آ راجمان ءَ زانگ لوٹیت ۔ اے رِد ءَ راجمان ءِ زانگ ءِ علم ءَ سوشیولوجی (عمرانیات) گُشنت۔ چہ اے گپاں دو مقدمہ جوڑ بیت، اول چی ءِ بابت ءَ زانگ بوہگ ءَ اِنت؛ ءُُ دومی کُجام بنیاد ءَ زانگ بوہگ ءَ اِنت۔

اول ءَ ما discipline of study گُشیں ءُُ دومی ءَ nature of study۔ دومی مقدمہ ءِ علمی بنزہ ما آزمود ءُُ مشاہدہ گُشت ءُُ اے گِیشّینت چہ ایشی ءَ اولی ءِ تب ہم گِیشِّت ، پرچہ کہ اپسٹمولوجیکل انکوائری بنیادی مقدمہ ءِ بیت۔ (برجاہ )