تنگویں بیلاں! گوں سیدہاشمیءِ رہبندءَ بازیں کلمکار ءْْ زبان زانت اے واستا تپاک نہ کنت کہ سید ہاشمیءَ بس مکرانءِ گالوار وتی رہبند ءَ زْرتگ۔

بلوچستان یک دَمگے نہ انت، بلوچی تہنا مکرانءِ نہ انت، بلوچستان یک مزنیں اْستانے، ڈیہے، پدا اِے آب کہ سیدءَ چہ وتی رہبندءَ در کتگ انت، بلوچستانءِ اندگہ گالوارانی تہا کارمرز بنت، اے آب چون چہ عربی سیاہگءَ سندگ بنت؟؟ اندگہ مئے ہمساہگیں راجاں کہ عربی سیاہگ زرتگ، ہچ آب اش نہ کشّتگ، البت وتی زبانءِ لوٹانی پدءَ چیزے آب اِش گیش کتگ۔

پہ بلوچی زبانءَ مستریں دلیل ایش انت کہ سلیمانی، رخشانی، کوہستانیءْْ اندگہ رودراَتکی گالوارانی اَندرا چرے درامدیں آباں بازینے ءِ توار اَست انت۔ اَگاں اے آباں چہ بلوچی سیاہگءَ در بہ کنئے اے یک لسانی ءْْ بلاہیں سیاسی جیڑہے جوڑ بیت۔ بلوچ مروچی وت دڑمنءِ ٹوپانی دپءَ انت، سیاہگءِ سببءَ دگہ آسے روک کنگ بائد مہ بیت۔

تنگویں بیلاں! مارا اِے زانگ لوٹیت کہ بلوچی زبان چہ سید ہاشمیءَ بندات نہ بیتگ۔ بلوچی زبانءَ کساس ہزاراں سال انت، بلے سیدہاشمیءَ جہدے کتگ کہ من زبانءَ رہبندے بہ دیاں۔ سیدہاشمیءِ جہد قابل ء قدر انت، بلے زبان وت یک سائنس یے، انچو کہ سائنس روچ پہ روچ دیمروی کنان انت۔ ہمے دابءَ زبان ہم دیمروی کنان انت۔ زبان تچوکیں آپے، اوشتوکیں آپے نہ انت۔ زبان ہمک وہدءْْ پاس دیمروی کنان انت، انچو کہ من پیشءَ گوشت کہ بلوچی زبان چہ سید ہاشمیءَ بندات نہ بیتگ ءْْ ناں کہ عربی سیاہگ سید ہاشمیءَ بندات کتگ۔

1۔ بلوچیءِ اولی کتاب ’’لبزء بلوچی‘‘ 1875 یرکمالان گچکیءَ نبشتہ کتگ۔ اے کتاب عربی سیاہگء نبشتہ کنگ بیتگ۔
2۔ دومی کتاب ’’ دست نبشت‘‘ اوتمان کلمتیءَ نبشتہ کتگ۔ اے ہم عربی رہبندءَ انت۔
3۔ سیمی کتاب E.W. Winstonء4َ 1888نبشتہ کتگ ’’مکران بلوچی ڈائیلکٹ‘‘ رومن رہبندءَ انت۔
4۔ لانگ ڈیمزورتھءَ نبشتہ کتگ ’’بلوچی ٹیکسٹ بْک‘‘ رومن رہبندءَ انت
5۔ لانگ ڈیمز ورتھءَ نبشتہ کتگ ’’پاپولر پوئیٹری‘‘ رومن رہبندءَ انت
منی اے درورانی مول ءْْ مراد ایش انت کہ عربی ءْْ رومن رہبنداں دیر انت بلوچیءَ نبشتہ کاری بیتگ۔

سید ہاشمیءَ کہ وتی سیاہگ دیما آؤرتگ، بازیں کلمکار اِے رہبندءَ نبشتہ کنگا انت۔ بازیں کلمکار ہمے آباں کہ سیدءَ کشّتگ انت، ایشاں زیرگاانت۔ مروچاں بازیں ورنائیں کلمکار ءْْ زبان زانت رومنءَ پہ بلوچی رسم الخطءَ گیشتر دوست دارنت، آیانی دلیل ہم مْہکم انت، پرچا کہ عربی سیاہگ ءِ تہا بلوچیءِ کْلیں گالوارانی گیش ء4ْ ْ گیوار نہ بیت، عربی سیاہگءِ تہا سائنسی دیمرویءِ گنجائش نیست۔ عربی سیاہگءِ تہا جوانیں سافٹ وئیر نیست کہ لبز بلد یا رجانک کاری ءْْ اے دگہ آسراتی بہ بنت۔

سید ہاشمیءَ ہم باز جاہءَ رومن سیاہگءِ سکین داتگ، بلے ماں عربی سیاہگءَ ہر وڑا کہ نبشتہ کاری بئیگا انت، تاں حدےءَ یکے دومیءَ وانیت ءْ سرپد بیت، بلے عربی سیاہگ پہ بلوچی زبانءِ راست نبیسیءَ ہچ رنگءَ یک ءْْ ٹِکّیں سیاہگے نہ اِنت۔

تنگویں بیلاں! مئے بازیں زبان زانت ءْْ اکیڈمی جیڑگا اَنت کہ زبانءِ نبشتہ رہبندبہ گِیشّیت۔ اے درچءَ سَے ءْْ چار نبشتہ رہبندءِ سرا چارءْْ بچار بئیگا اِنت:

1۔ عربی سیاہگ گوں سید ہاشمیءِ رہبندءَ ۔ بزاں چیزے آب در کنگ بہ بیت۔ چو کہ : ث۔ ح۔ خ۔ ذ۔ ص۔ ض۔ ط۔ ظ۔ ع۔ غ۔ ف۔ ق۔
2۔ عربی سیاہگ گوں سید ہاشمیءِ رہبندءَ بلے کمو ردّ ءْْ بدل، ہما آب کہ در کنگ بیتگ اَنت،چراہاں لہتیں آب پہ گالواراں زیرگ بہ بیت۔ چو کہ : ث۔ خ۔ ذ۔ غ۔ ف۔
3۔ عربی سیاہگ گوں کْلیں آباں۔
4۔ رومن رہبند ہمے رنگءَ کہ است اِنت۔ دومی کمو کمی گیشیءَ رند لہتیں کشاب ءْْ جواب گیش کنگ۔

اے سئیں چاریں رہبندانی سرا مئے زبان زانت ءْْ اکیڈمک سنگت کار کنگا اَنت۔ یک دلجمیں سیاہگے الم دیما کیت کہ کلیں راج تپاک بہ کنت۔ اے درچءَ من گوں بلوچی اکیڈمی کوئٹہ، سیدہاشمی اکیڈمی گوادر، بلوچستان اکیڈمی تربت، سید ریفرنس لائبریری کراچی، عزت اکیڈمی پنجگور، دیمروی مجلس مسقط، بلوچ کلب بحرین ءْ اندگہ زبان دوستیں زبان ءْْ لبزانکی گل ءْْ اِدارہاں دست بندی کناں کہ وتی جہداں تیز بہ کننت۔

من سرپد باں کہ کْلیں گلانی قومی فرضے جوڑ بیت کہ وت ماں وت بہ نندنت ءْ اے جیڑہءِ گیِشّءْْ گیوارءَ بہ کننت۔بلوچی سبز ءْْ میَزران بات