Posts By: برنارڈ ایبسلن

بٹاں حیرانی ءَ کواک کواک کت کہ شتنتگیں چزے بال انت بلئے ماہیگ نہ گپت۔ شاہیناں بال کت آئی نزیک ءَ اتک انت بلئے پدا دور شت انت۔ پرسیوس زر ءِ سرا بال کنان ءَ دان ہموداں شت کہ زمین بنا بوت۔ تچکیں وشیں زمیں۔

پدا پرسیوس مزن بوت۔ آ جزیرہ ءِ درستاں چے ڈولدار تریں ورنا ات۔ آئی شررنگی ءِ ہرچ ورنا تچک ءَ روژنا ءَ کوہانی سرکپگ ءَ بند میڑی ءَ برت۔ بلئے آئی ءَ وتی زور ءُُ زہر تنگیت ءَ ایمنی داشتگات پرچکہ آئی ءِ واہگ ات کہ وت ءَ جنگ ءَ بہ چکاس ات۔نوں بس یکے است ات کہ آئی ءَ رستگیں پرسیوس ءِ نہ وشی پجہ آورت۔ بادشاہ پولی ڈکٹس کہ دیر اتے ءِ دانائے عشق ءَ گرفتار ات بلئے چہ پرسیوس ءِ کہر ءَ ترس ات ءُُ جیڑگ ءُُ ات کہ وت ءَ را چون چہ چرے کہر ءَ برکین ات، آ دلمانگ ات کہ چک مات گوں آئی ءِ آروس ءَ مجبور بکنت۔ آسکیں پندل سازے ات پولی ڈکٹس۔۔سکیں پندل ساز حبر کنوکے ات ءُُ وتی رہبنداں سکیں ناروایے ات۔ آئی ءَ وت ءَ چہ پرسیوس ءِ دست ءَ آجو کنگ ءَ یک پندلے سازات۔

ہمے وڑا شہ بانک گوں آئی ءِ کودک ءَ یک بے آچار ءُُ بے چپوئیں یکدارے ءَ کنگ بوت انت۔ ایکریسیوس پدا وتی کلات ءَ اتک ءُُ وپت۔ دانائے یکدار ءِ تہا تچک نشت، شپ ءِ کوش آئی ءَ سک وش بوت آئی ءِ دیم ءَ لگ ات کوش آئی ءِ زلف زرتگ ات ءُُ آئی ءِ کوپگاں چنڈاتگ ات انت۔ آئی چک ہم گل ات ءُُ کندان ات آئی ءَ وتی نازرکیں دست پد ماں پد ءَ چول ءَ برت انت۔

آئی ملگو ر ءُُ زلپ گوات ءَ شنگ ات انت ءُُ آئی، گوات گوں آئی ءَ چو بیرکے ءَ پر بحت آگوات ءَ نوں سک بے وار کتگ ات بلئے آئی ءِ سر پد نہ بوتگ پدا ی ک اژمبیں دم ءِ توارے اتک گوات ءَ توار آئی ءِ گوشاں کپت ءُُ گشان ات کہ مترس من سیا ہ گوات اوں سالونگ ءِ ربالو من اتکگاں کہ ترا بہ براں سالونک ءِ لوگ ءَ“ اے توار نوں نرم ات آئی ءَ باور بوت آئی ءِ ترس گار بوت۔

جنگل ءُُ کور ءِ درائیں پریاں یک پری یے کہ آئی نام ایکو اَت ۔سک دوستدارگ بوت ۔ آتہنا زیبا ءُُ ڈولدار نہ ات بلکیں سکیں مہروانیں پری یے ات ۔ آئی ءِ گُٹ سک وش ات ۔ آپ ءُُ جنگل ءِ ایندگہ دیہہ ءُُ پریاں گوں آئی ءَ پریات کت کہ پہ آہاں کسہ ءُُ سوت بہ جنت ءُُ آئی ءَ جت ۔

پدا زیر زمین ءِ بادشاہ ءُُ مردگانی واجہ ءُُ حاکم حادث سرپد بوت کہ آئی ءِ ہمروچی کاراں دزمانجنی یے بوہگ ءَ انت ،آ پہ اشتاپی ہمے مرد ءِ ودار ات کہ آرپیسئیس اتک ءُُ آئی ءِ کرا ءَ سر بوت ۔ ’’ دگہ لوڈگی ءُُ سبکی مکن منی دیم ءَ آئی ءَ کوکار کت۔

آ چہ نزیک تریں جاہ ءَ تہترین ءَ ایر اتک اے جاہ ءَ راہ یے ات کہ چہ ایورنسٗ ءِ تہا ءَ دراتک ،آ ہمے سرد ءُُ مجیں راہ ءَ گران بوت ءُُ سائیٹکس کور ءِ سرا آتکءُُ سر بوت آئی ءَ دیست کہ ساہگ کور ءِ کش ءَ پہ یکدار ءَ ودار انت کہ آہان آدیم ءَ بہ بر انت بلئے آئی ءَ ادا ہیروڈائیس دپ نہ کپت ۔آ زلورپیسر ءَ گوستگ ات ۔ لانچ پداآتک ءُُ دکہ ءَ لگ ات ءُُ ساہگ یک یک ءَ ایر کپت انت ءُُ چہ للک ءِ چیر ءَ پہلے کش اتئے ءُُ کرا دات ات ۔

آئی ءِ پت چہ تراسی بادشاہان ات ۔ آئی ءِ مات زیمر ءُُ شررنگی ءِ بانک اَت ۔ آیک وہدے گوں وتی مات ءُُ ہشت ترْوں پرناسی کوہ ءَ نشتگ ات ءُُ ہمودا گوں اپولو ءَ دچار کپت کہ آ مدام گوں کندوکیں دیھ تھالیا ءَ گوں دست ءُُ دوات۔

آئی ءَ اے زرت ءُُ یک ششمے پیتی یے ءَ کت ۔اے پیتی گوں سانکلاں پتات ۔ شت وتی باگ ءَ کنڈے جت ۔ہمے پیتی کنڈ ءَ کت ءُُ باردات ءُُ یک بلائیں سنگے لیٹ دیان کت ءُُ آئی ءِ سرا ایر کت ۔

پرومیتیس دلجم نہ بوت ۔آ اے درائیں شپ کارے ءِ کنگ ءِ جیڑگ ءَ واب نہ کپت ۔پدا آئی ءَ وتی پلنگ سہب ءَ اولمپس ءِ ٹل ءَ برت ءُُ اوشتات ،وتی دست دراج کت انت رودراتک ءِ نیمگ کہ اودا سہب ءِ نازرکیں شہم نوکی ترکسگ ءَ ات انت ۔