گوادر: جمعیت علماء اسلام پنجگور کے نائب امیر مولانا عبدالحئی کے قتل کے خلاف جے یو آئی گوادر کا شدید احتجاج۔ ملا فاضل چوک میں احتجاجی مظاہرہ احتجاجی مظاہرے سے خطاب کرتے ہوئے جمعیت علماء اسلام گوادر کے ضلعی امیر مولانا عبدالحمید انقلابی، ناہب امیر مولانا عبدالہادی،جنرل سکریٹری مولانا امجد علی گنزوی،مولانا محمد شاہد اور مولانا امیر معاویہ نے کہاکہ حق اور سچ بات کرنے پر مولانا عبدالح کو قتل کردیا گیا مولانا عبدالحئی کا قصور یہ تھا کہ وہ لوگوں سچ گواور حق کی بات کرنے کی درس دیتے تھے۔ انہوں نے کہاکہ مولانا عبدالحئی کو دن دھاڑے دوپہر ڈیڈھ بجے ڈپٹی کمشنر پنجگور کے آفس کے قریب چھ گولیاں مار کر شہید کردیا گیا جسکی ہم پرزور الفاظوں میں مزمت کرتے ہیں۔
تربت: نیشنل پارٹی کے بانی رہنما واجہ محمد یار کی یاد میں تعزیتی ریفرنس سے خطاب کرتے ہوئے نیشنل پارٹی کے سربراہ ڈاکٹر مالک بلوچ نے کہا ہے کہ نیشنل پارٹی کو بہت سے مشکلات کا سامنا کرکے بنایا، اس میں شہداء کا خون شامل ہے، پارٹی کے سنیئر رہنما اپنے مشاھدات قلم بند کریں تاکہ کارکنان ان سے مستفید ہوسکیں، واجہ محمد یاد جیسے کمیٹڈ، بردبار، دور اندیش، سیاسی و علمی دولت سے مالا رہنما کمیاب ہوتے جارہے ہیں، ہمیشہ ان کو بلند مرتبت پایا، انہوں نے کبھی زاتی خواہشات نہیں کی، میرا بی این وائی ایم اور بی این ایم کے زمانے سے تعلق رہا ہے۔
گوادر: ایم پی اے گوادرمیرحمل کلمتی نے پارٹی رہنماؤں کے ساتھ جیونی کادورہ کیا۔مختلف شخصیات سے ان کے پیاروں کی وفات پر تعزیت کی جبکہ علاقائی عمائدین سے ملاقات کرکے عیادت کی۔ تفصیلات کے مطابق بی این پی کے ضلعی رہنماء اکرم حیات ہاؤس میں منعقدہ پارٹی ورکروں کی اجتماع سے خطاب کرتے ہوئے ایم پی اے گوادر میرحمل کلمتی نے کہا ہے گوادرمیں ترقی اور خوشحالی کے راگ آلاپنے والے عوام کو پانی کی سہولت فراہم نہیں کرسکے جیونی سمیت ضلع بھر میں پانی بحران نے جنم لیا ہے۔
تربت: ضلع کیچ کے سب تحصیل بل نگور میں تباہ کْن بارش ، ژالہ باری ، اور طوفانی و تیز ہواؤں نے تباھی مچادی۔ باغات ، مکانات اور مساجد میں لگے لاکھوں روپوں کا سولر سسٹْم ھوا بْرد ھوکر تباہ ہوگئے ، سینکڑوں مکانات ، چھاپڑے اور چار دیواریاں گرگئے۔
گوادر: یورپی یونین کے اعلی سطحی وفد گوادر کے دورے میں پہنچ گئے۔ وفد کے ارکان میں پاکستان کا سفیر برائے یورپی یونین کے علاوہ بیلجیئم، آسٹریا، نیدرلینڈ، ڈنمارک کے سفیر شامل تھے۔کینڈا کا ہائی کمشنر بھی وفد کے ارکان میں شامل تھا۔ یورپی یونین میں شامل ممالک کے سفیروں نے گوادر پورٹ اور کرکٹ اسٹیڈیم کا معائینہ کیا۔
گوادر: رکن بلوچستان اسمبلی میر حمل کلمتی نے کہا ہے کہ اپنے فنڈ سے گوادر،اورماڑہ اورپسنی میں نوجوانوں کے لئے لائبر یر یاں قائم کی ہیں ضلع گوادر کے نوجوانوں کو چاہئے کہ وہ ان سے استفادہ حاصل کر اپنے مستقبل کو بہتر و پرکشش بنائیں ان خیالات کا اظہار انھوں نے اپنے رہائش گاہ گوادر میں مختلف علاقوں پسنی،اورماڑہ،جیونی،گبد سربندن سے آئے ہوئے لوگوں سے ملاقات کے دوران بات چیت کرتے ہوئے کیاہے
گوادر: کیسکو کی جانب سے بلا وجہ غیر اعلانیہ لوڈشیڈنگ کے خلاف عوام سڈکوں پر نکل آئے ـ ٹائر جلا کر ملافاضل چوک پر شدید احتجاج کیا گیا ـ کاروباری شخصیات نے دکانیں بند کرکے مظاہرے میں شرکت کی ـ سیاسی قائدین کی مظاہرے میں شرکت و خطاب ـ تفصیلات کے مطابق گوادر ایکٹوسٹ فورم کی جانب سے گوادر شہر میں بلا وجہ غیر اعلانیہ لوڈشیڈنگ کے خلاف ملا فاضل چوک پر ماجد سہرابی کی سربراہی میں احتجاجی مظاہرہ ـ
گوادر: تحصیل جیونی میں پانی کی شدید قلت، عوام کا صبر جواب دے گیا، خواتین کا شدید احتجاج، دکانیں بند کرادیں۔ تفصیلات کے مطابق ضلع گوادر کے ساحلی علاقے تحصیل جیونی میں پانی کی قلت شدت اختیار کرگیا، پانی کی شدید قلت کی وجہ سے عوام کا صبر جواب دے گیا خواتین نے شدید احتجاج کرکے شہر کی دکانیں بند کرادیں۔
گوادر:گوادر شہر سمیت پورے ضلع میں غیر اعلانیہ لوڈشیڈنگ کا سلسلہ مسلسل جاری۔ ایک گھنٹہ بھی شہر میں پوری طرح بجلی سپلائی نہیں کی جاتی ۔ رات کے تین بجتے ہی شہر کی بجلی بند کردی جاتی ہے، عوام انتہائی تکلیف سے گزرتے ہیں ، رات کو بھی نیند غارت ہوجاتی ہے ۔ ضلعی انتظامیہ و عوامی نمائندگان خاموشی کا روزہ رکھے ہوئے ہیں، کوئی پرسان حال نہیں۔
تربت :نیشنل پارٹی کے مرکزی رہنما ملا برکت پر حملہ۔ خود محفوظ رہے گاڈی کو نقصان پہنچا۔اطلاع کے مطابق نامعلوم مسلح افراد نے آپسر میں نیشنل پارٹی کے مرکزی رہنما ملا برکت کی گاڈی پر حملہ کیا جس میں گاڑی کو متعدد گولیاں لگیں تاہم خوش قسمتی سے وہ محفوظ رہے۔ پارٹی زرائع کے مطابق وہ 23 مئی کو ہونے والے گرینڈ شمولیت تقریب کے سلسلے میں جھنڈا اور بینرز لگانے کی سرگرمیوں کو مانیٹر کرنے کے بعد واپس گھر جارہے تھے
